رانا ثنا اللہ کیخلاف اندراج مقدمہ کی دائر درخواست سماعت کیلئے مقرر

(24 نیوز)  نعیم پنجوتھا نے رانا ثنا اللہ کیخلاف اندراج مقدمہ کی درخواست دائر کر دی جس پر ایڈیشنل سیشن اسلام آباد جج طاہر عباس سپرا نےسماعت 3 اپریل کو مقرر کر دی۔

ڈسٹرکٹ  کورٹس اسلام آباد میں رانا ثنا اللہ کے خلاف اندراج مقدمہ کی درخواست دائر ہو گئی، نعیم پنجوتھا نے رانا ثنا اللہ کے خلاف اندراج مقدمہ کی درخواست دائر کی، عدالت نے اندراج مقدمہ کی درخواست منظور کر لی، درخواست میں ایس پی، ایس ایچ او تھانہ کوہسار کو فریق بنایا گیا۔

یہ بھی پڑھیں: نئی تشکیل شدہ پی آئی اے ہولڈنگ کمپنی کا آپریشنز کا باقاعدہ آغاز، اہم فیصلہ بھی کر لیا

درخواست گزار نعیم پنجوتھا کی جانب سے مؤقف اپنایا گیا کہ رانا ثنا اللہ کے خلاف رپورٹ پولیس کو دی، پولیس نے رانا ثنا اللہ کے خلاف مقدمہ درج نہیں کیا، درخواست گزار نے عدالت سے استدعا کی کہ رانا ثنا اللہ کے خلاف اندراج مقدمہ کی درخواست منظور کی جائے۔

بعد ازاں ایڈیشنل سیشن جج طاہرعباس سِپرا نے درخواست 3 اپریل کو سماعت مقرر کر دی۔