تباہ کن زلزلہ، امریکہ نے وینزویلاپر عائد پابندیاں اٹھا لیں

 (24 نیوز)امریکی حکومت نے وینزویلا کے خلاف کئی اقتصادی پابندیاں چار ماہ کے لیے ہٹا دی ہیں تاکہ ملک میں آنے والے مہلک زلزلوں کے بعد امدادی کارروائیوں میں آسانی رہے۔

امریکی ٹریژری کی طرف سے جاری کردہ لائسنس کے مطابق 23 اکتوبر تک وینزویلا میں زلزلے سے متعلق امدادی سرگرمیوں میں تمام لین دین کی اجازت ہے۔

اقوام متحدہ کے دفتر برائے رابطہ برائے انسانی امور نے کہا کہ چلی، کولمبیا، ایل سلواڈور، اٹلی، میکسیکو، سوئٹزرلینڈ اور امریکہ کی ٹیمیں پہلے ہی وینزویلا پہنچ چکی ہیں۔

مزید پڑھیں:سپین : شدید گرمی سے 212 اموات ریکارڈ

واضح رہے کہ امریکہ نے وینزویلا پر خاص طور پر 2019 کے بعد سے سخت اقتصادی پابندیاں عائد کر دی تھیں۔

 وینزویلا میں بدھ کے روز دو زلزلے آئے جن کی شدت ریکٹر سکیل پر 7.5 اور 7.2 تھی۔

زلزلے کے نتیجے میں تازہ ترین اعداد و شمار کے مطابق کم از کم 920 افراد ہلاک ہو چکے ہیں جبکہ متاثرین کی تعداد میں مسلسل اضافہ ہو رہا ہے۔