شرح سود میں کمی ،آٹوکار فنانسنگ 25 ماہ کی بلند ترین سطح پر پہنچ گئی
کیپشن: فائل فوٹو
سورس: گوگل
Stay tuned with 24 News HD Android App
(اشرف خان)شرح سود میں کمی ہونے پر آٹو سیکٹر بھی چل پڑا اور بینکوں سے گاڑیوں پر قرض لینے کی شرح میں اضافہ ہوگیا۔
شرح سود ایک سال میں 22 فیصد سے کم ہوکر 11 فیصد تک گرگیاجس کے بعدجولائی 2025 میں آٹو فنانسنگ 25 ماہ کی بلند ترین سطح پر پہنچ گئی۔
آٹو فنانسنگ جون 2023 میں 280 ارب روپے سے زائد رہی تھی جس میں جولائی 25 میں سالانہ 25 فیصد کا بڑا اضافہ ہواہےجس کے بعد جولائی 2025 میں آٹو فنانسنگ بڑھ کر 286 ارب روپے پر پہنچ گئی ہے،جولائی 2024 میں آٹو فنانسنگ سے 228 ارب روپے کا قرضہ لیا گیا تھا۔
یہ بھی پڑھیں: 1500واں جشن ولادت رسولؐ:یادگاری ڈاک ٹکٹ اور سکہ جاری کرنے کی تجویز
ماہرین کوتوقع ہے کہ شرح سودمیں کمی سے آٹو سیکٹر کا رجحان مزید بہتر ہوگا، گاڑیوں کی فروخت بڑھنے سے کار تیار کرنے والی کمپنیوں کے منافع میں بھی اضافہ ہوگا ۔