سوات اور گرد ونواح میں مسلسل دوسرے روز زلزلہ

(ویب ڈیسک)سوات اور گرد و نواح میں مسلسل دوسرے روز زلزلے کے جھٹکے محسوس کئے گئے،ریکٹر اسکیل پر شدت 4.4 ریکارڈ کی گئی۔

خیبرپختونخوا کے علاقے سوات اور گرد و نواح میں مسلسل دوسرے روز زلزلے کے جھٹکے محسوس کئے گئے، ریکٹر اسکیل پر زلزلے کی شدت 4.4 ریکارڈ کی گئی۔

رپورٹ کے مطابق زلزلے کے باعث لوگوں میں خوف و ہراس پھیل گیا، شہری کلمہ طیبہ کا ورد کرتے ہوئے گھروں سے باہر آگئے، فی الحال کسی جانی یا مالی نقصان کی کوئی اطلاع نہیں ملی۔

یہ بھی پڑھیں:سوزوکی سوئفٹ کی قیمت میں ہوشربا اضافہ

زلزلہ پیما مرکز کے مطابق سوات زلزلے کی زیر زمین گہرائی 185 کلو میٹر تھی جبکہ اس کا مرکز کوہ ہندوکش کا پہاڑی سلسلہ تھا۔

واضح رہے کہ گزشتہ روز بھی سوات اور گردو نواح میں 5 شدت کے زلزلے کے جھٹکے محسوس کئے گئے تھے، تاہم کوئی جانی نقصان نہیں ہوا تھا۔