ون ڈے میچیز : نسیم شاہ نے ایک اور عالمی اعزاز اپنے نام کرلیا

 (ویب ڈیسک)قومی  کرکٹ ٹیم کے فاسٹ بولر نسیم شاہ نے ابتدائی 6 ون ڈے میچز میں سب سے زیادہ وکٹوں کا اعزاز اپنے نام کرلیا۔

تفصیلات کے مطابق   نسیم شاہ نے کیریئر کے چھ ابتدائی میچز میں 20 وکٹیں حاصل کی ہیں۔ نسیم شاہ نے راولپنڈی میں نیوزی لینڈ کے خلاف پہلے ون ڈے میں 2 وکٹیں حاصل کیں، پاکستانی فاسٹ بولر نے نیوزی لینڈ کے میٹ ہینری کا ریکارڈ توڑا۔

Double-strike ⚡@iNaseemShah closes out the innings with a bang ????#PAKvNZ | #CricketMubarak pic.twitter.com/YfcSKvmDal

— Pakistan Cricket (@TheRealPCB) April 27, 2023

میٹ ہینری نے ابتدائی چھ میچز میں 19 وکٹیں حاصل کی تھیں، بنگلا دیش کے مستفیض الرحمان نے ابتدائی چھ ون ڈے میں 18 وکٹیں لی تھیں،عمران طاہر، ریان ہیرس، ظہور خان اور عبادت حسین نے 17،17 وکٹیں لی تھیں۔ نسیم شاہ ابتدائی چار اور پانچ میچز میں بھی سب سے زیادہ وکٹوں کا ریکارڈ رکھتے ہیں۔

نسیم شاہ ابتدائی 4 سے 5 میچیز میں سب سے زیادہ وکٹیں حاصل کرنے کا ریکارڈ رکھتے ہیں،نوجوان بولر نے چار میچز میں 15 اور پانچ میچز بعد 18 وکٹیں مکمل کی تھیں۔