عمران خان کی جاسوسی کرنیوالے ملازم سے متعلق بڑی خبر آگئی

(24 نیوز) عمران خان کے گھر میں جاسوسی کےلئے استعمال ہونے والے ملازم کو نکال دیا گیا۔ ملازم پر عمران خان کے کمرے میں جاسوسی آلہ لگانے کا الزام تھا۔

پاکستان تحریک انصاف کے رہنما شہباز گل نے سماجی رابطے کی ویب سائٹ پر ٹویٹ کرتے ہوئے کہا کہ 23 سالہ ملازم کو جاسوسی کیلئے استعمال کیا گیا، ملازم کی جان کو خطرہ ہے، عمران خان نے ملازم کو معاف کر دیا ہے۔

عمران خان کے گھر کی جاسوسی کا معاملہ
تحریک انصاف جاسوسی کرنے والے ملازم کو سامنے لے آئی
عمران خان نے جاسوسی کرنے والے ملازم کو معاف کردیا
جاسوسی کرنے والے ملازم کے خلاف کوئی قانونی کاروائی نہ کرنے کا فیصلہ
میں جاسوسی کرنے پر شرمندہ ہوں،
مجھے ایک ایجنسی نے 50 ہزار دئیے تھے،ملازم pic.twitter.com/bRSprwbbau

— Fahim Akhtar Malik (@writetofahim) June 26, 2022

شہباز گل کا کہنا تھا کہ جاسوسی کیلئے ملازم کا استعمال کرنے والوں کیلئے یہی پیغام ہے کہ گھروں کے تقدس کو پامال نہیں کرنا چاہیے۔ ملازم گزشتہ 6 سال سے عمران خان کے گھر پر صفائی کا کام کرتا تھا۔

یہ بھی پڑھیں:حکومت کیلئے پھر مشکل ،عمران خان نے بڑا اعلان کردیا

 خیال رہے گزشتہ روز پاکستان تحریک انصاف کے سربراہ اور سابق وزیراعظم عمران خان کی جاسوسی کی کوشش کو ناکام بنادیا گیا، بنی گالہ میں ملازم نے بھانڈا پھوڑ دیا۔

بنی گالہ کے ملازمین کو خرید کر جاسوس ڈیوائس لگانے کی کوشش کی گئی تھی لیکن بنی گالہ میں ہی موجود ایک ملازم نے بھانڈا پھوڑ دیا۔

 ذرائع کے مطابق ملازمین کو عمران خان کے کمرے میں جاسوس ڈیوائس لگانے کیلیے پیسے دیے گئے تھے کہ ایک ملازم نے بنی گالہ کی سیکیورٹی ٹیم کو جاسوس ڈیوائس لگانے سے متعلق منصوبے سے آگاہ کر دیا۔