اومی کرون کا خطرہ۔۔۔آسٹریلوی کرکٹ بورڈکا دورہ پاکستان سے متعلق اہم بیان 

Dec 26, 2021 | 19:26:PM
کرکٹ آسٹریلیا، چیف ایگزیکٹو، نک ہاکلے
کیپشن: آسٹریلوی کرکٹ بورڈ، فائل فوٹو

 (ویب ڈیسک)کرکٹ آسٹریلیا کے چیف ایگزیکٹیو نک ہاکلے کا کہنا ہے کہ اومی کرون کے باعث صورتحال مشکل ہے لیکن اس کے باوجود پاکستان کا دورہ شیڈول کے مطابق کریں گے۔

تفصیلات کے مطابق کرکٹ آسٹریلیا کے چیف ایگزیکٹیو نک ہاکلے نے دورہ پاکستان سے متعلق بیان دیتے ہوئے کہا ہے کہ آسٹریلیا کی ٹیم حال ہی میں تمام صورت حال کا جائزہ لینے کیلئے پاکستان گئی تھی۔ان کا کہنا ہے کہ پاکستان کرکٹ بورڈ کے ساتھ ہر لحاظ سے مکمل رابطے میں ہیں، پاکستان میں اومی کرون کی تشخیص کے باوجود آسٹریلیا کا دورہ شیڈول کے مطابق ہو گا۔

نک ہاکلے کا مزید کہنا تھا کہ اومی کرون کے باعث صورت حال مشکل ہے لیکن دورہ پاکستان کے لیے پرعزم ہیں، جب تک حالات محفوظ ہیں تب تک آسٹریلیا پاکستان کا دورہ کرنے کیلئے پرعزم ہے۔

خیال رہے کہ آسٹریلیا کی ٹیم آئندہ برس مارچ میں 24 سال بعد پاکستان کا دورہ کرے گی۔

یہ بھی پڑھیں: کرکٹ ٹیم کے سابق کپتان طویل علالت کے بعد چل بسے