انتہا پسند ہندو ڈاکٹر کا اسلام مخالف بیان،اسرائیلی حملوں کی حمایت،انتظامیہ نے نوکری سے فارغ کردیا

(24 نیوز)انتہا پسند ہندو ڈاکٹر کا اسلام مخالف بیان،اسرائیلی حملوں کی حمایت،انتظامیہ نے نوکری سے فارغ کردیا،ہندہ ڈاکٹر نے ہرزہ سرائی کرتے ہوئے کہا ہے کہ مسلمان وحشی اور اسلام وحشیانہ دین ہے۔
اسرائیل کی غزہ کے مظلوم عوام پر روزانہ کی بنیاد پر وحشیانہ حملے جاری ہیں،اسرائیل فلسطین تنازعے پر متعدد اسلام دشمن ہندو بھی کھل کر سامنے آ گئے،بحرین کے معروف ہسپتال میں تعینات ڈاکٹر سنیل راؤ نے اسلام مخالف اور اسرائیل کی حمایت میں بیان دیا۔
ڈاکٹر سنیل راؤ نے ہرزہ سرائی کرتے ہوئے کہا ہے کہ مسلمان وحشی اور اسلام وحشیانہ دین ہے۔ اسرائیل پر مسلمان حملوں میں ملوث ہیں، فلسطینیوں کا خاتمہ کر دینا چاہیے، 
ڈاکٹر سنیل راؤ کے اکاؤنٹ سے اس بیان کے بعد مسلمانوں نے غم وغصے کا اظہار کیا،بعد ازاں بحرین کی ہسپتال انتظامیہ کی جانب سے ڈاکٹر سنیل راؤ کے بیان کی مذمت اور لاتعلقی کا اعلان کیا گیا۔

ضرورپڑھیں :اسرائیل نے غزہ کو بارود کا ڈھیر بنادیا،مزید 56 فلسطینی بچے شہید
بحرین کے ہسپتال نے ڈاکٹر سنیل راؤ کو نوکری سے برطرف کر دیا،مسلمانوں کی جانب سے ہسپتال انتظامیہ کے اس احسن اقدام کو سراہا گیا،پہلے بھی کئی بار اسلامی ممالک میں مقیم ہندوؤں کی جانب سے اسلام مخالف بیانات دیئے گئے،مئی 2020 کو متحدہ عرب امارات میں ایک ہندو شیف، سٹور کیپر اور کیشیٔر کو سوشل میڈیا پر اسلام مخالف بیانات دینے پر نوکری سے نکال دیا گیا۔

اپریل 2020 کو کویت میں ہندو انجینئر کو مسلمانوں کے خلاف سوشل میڈیا پر کمینٹس کرنے کی مد میں نوکری سے نکال دیا گیا تھا،عالمی سطح پر ہندوستان کا اسلام مخالف چہرہ عیاں ہونے کے باوجود ہندو انتہا پسند اپنی اسلام مخالف پالیسیوں سے باز نہ آئے۔