کراچی میں کورونا کے مثبت کیسز کی شرح 23اعشاریہ 6 فیصد پر پہنچ گئی

(24 نیوز)کراچی میں کورونا کیسز میں مسلسل اضافہ ہورہا ہے اور شہر میں مثبت کیسوں کی شرح 23اعشاریہ 6فیصد پر پہنچ گئی ہے۔
محکمہ صحت سندھ کے مطابق شہر میں 3 ہزار 91 افراد کے ٹیسٹ کئے گئے جن میں سے 725 کیسز مثبت رہے، شہر میں مثبت کیسزکی شرح 23اعشاریہ 6 فیصد پر پہنچ گئی ہے۔
 کیسز میں اضافے کے باعث ہسپتالوں پر شدید دباو¿ ہے، محکمہ صحت سندھ کے مطابق کورونا مریضوں کی تعدادجون2021 کے مقابلے میں ریکارڈ سطح پر ہے۔
کراچی کے4 بڑے ہسپتال کورونا مریضوں سے بھر چکے ہیں، ہسپتالوں میں کورونا مریضوں کی تعداد 11 سو سے زائد ہو گئی ہے، کورونا مریضوں کی بڑھتی تعداد کا سبب بھارتی قسم ڈیلٹا ہے۔
دوسری جانب گزشتہ 24 گھنٹوں میں سندھ میں مجموعی طورپرکوروناکے مثبت آنے کی شرح9 اعشاریہ 16 فیصد ریکارڈ کی گئی جبکہ 21 افراد انتقال کرگئے۔حیدرآباد میں مثبت کیسز کی شرح8 اعشاریہ 89 فیصد ریکارڈ کی گئی، 360 افراد کے ٹیسٹ کیے گئے جن میں سے 32 افراد میں کورونا کی تصدیق ہوئی۔
صوبے کے دیگر اضلاع میں کورونا کی شرح 2 اعشاریہ 49 فیصد رہی، سندھ کے دیگر اضلاع میں 6 ہزار 478 ٹیسٹ میں سے 161 افراد میں کوروناکی تصدیق ہوئی۔ 

یہ بھی پڑھیں: مسلم لیگ ن کو بڑا جھٹکا ۔۔ لاہور سے اہم رہنما کی ساتھیوں سمیت ق لیگ میں شمولیت