گندھارا نسان لمیٹڈ کا چیری ایس یو وی متعارف کرانے کا اعلان 

Nov 24, 2021 | 17:04:PM
چیری کمپنی کی ایس یو وی سیریز ٹگو متعارف کروانے کا اعلان
کیپشن: ایس یو وی سیریز ٹگو فائل فوٹو

 (مانیٹرنگ ڈیسک) گندھارا نسان پاکستان نے 2.4 بلین روپے کی لاگت سے چیری ایس یو وی گاڑیوں کو پاکستان میں متعارف کروانے کا فیصلہ  کرلیا۔

 

چیری ٹگو 4 کی بات کریں تو ٹگو 4 ایک 5 سیٹر سب کمپیکٹ کراس اوور  ایس یو وی  ہے جو 1.5L turbo اور 2.0L انجنز کے ساتھ پیش کی جاتی ہے۔ پاکستان میں امپورٹ کی گئی گاڑی 1.5L ٹربو انجن کے ساتھ ہے جو 108 کلو واٹ کی طاقت اور 210 نیوٹن میٹر ٹارک پیدا کرتا ہے جبکہ گاڑی میں CVT ٹرانسمیشن موجود ہے۔

 یہ بھی پڑھیں:’’پی آئی اے‘‘ طیارے میں ایسا کام۔۔مسافروں نے سر شرم سے جھکا دیئے

یہ ٹگو4 کی فرسٹ جنریشن ہے جیسے 2017 میں پیش کیا گیا تھا س میں آٹو ہیڈ لائٹس، LED DRLS، فوگ لمپس، پینارومک سن روف، 9 انچ ٹچ سکرین ملٹی میڈیا، 4.8 انچ ملٹی انفو ڈسپلے،  پش انجن سٹارٹ، پاور ونڈوز، انجن اموبیلیزر، ایئر بیگز، ABS، EBD، ٹریکشن کنٹرول،  الیکٹرونک پارکنگ بریکس، ESP، ٹائر پریشر مانیٹر، پارکنگ سینسرز، ریئر کیمرہ، اسمارٹ کی، کروز کنٹرول جیسے فیچرز پیش کیے   گئے ہیں۔ 

   چیری کی دوسری گاڑی  ٹگو8 ہے جو ایک 7 سیٹر کمپیکٹ کراس اوور SUV گاڑی ہے۔ ۔ ٹگو8 کو بھی 2 انجنز کے ساتھ پیش کیا جاتا ہے جس میں 1.5L ٹربو انجن جو 108 کلو واٹ کی پاؤر اور 210 نیوٹن میٹر کا ٹارک پیدا کرتا ہے، وہیں 2.0L ٹربو انجن جو 125 کلوواٹ کی  طاقت اور 250 نیوٹن میٹر کا ٹارک پیدا کرتا ہے۔ ٹگو 8 کو ڈیول کلچ یا سی وی ٹی ٹرانسمیشن کے ساتھ پیش کیا جاتا ہے۔ 

 

 یادرہے گندھارا نسان لمیٹڈ نے  2018 سے ہی براؤن فیلڈ اسٹیٹس حاصل کر رکھا تھا جس کے تحت ڈاٹسن کی گاڑیوں کو پاکستان میں پیش کیا جانا تھا لیکن نسان کی جانب سے ڈاٹسن پروجیکٹ کو رول بیک کرنے کی وجہ سے گندھارا اس پروجیکٹ کو مکمل نہیں کر سکی۔ بعد ازاں  گندھارا نسان نے چیری کمپنی کی ایس یو وی سیریز ٹگو کی 2 گاڑیوں کے ٹیسٹنگ یونٹس پاکستان میں امپورٹ کئے تھے۔ 

 یہ بھی پڑھیں:کل سے پمپس بند ۔۔ پٹرولیم ڈیلرز کا ملک بھر میں ہڑتال کا اعلان