خیبر پختونخوا میں انتخابا ت کا معاملہ ، گورنر نے الیکشن کمیشن کو خط لکھ دیا

(24 نیوز )خیبر پختونخوامیں عام انتخابات کے معاملے پر  گورنر حاجی غلام علی نے چیف الیکشن کمشنر کو خط لکھ دیا ہے۔

تفصیلات کےمطابق چیف الیکشن کمشنر سکندر رضا کو لکھے گئے خط میں گورنر خیبر پختونخوا غلام علی کا کہنا ہے کہ الیکشن کمیشن پنجاب میں انتخابات ملتوی کر چکا ہے،کے پی میں دہشتگردی کی ایک تازہ لہر آئی ہوئی ہے، دہشتگردی کی اس لہر میں شمالی وزیرستان سے صوبے کے دیگر اضلاع میں بھی کئی واقعات ہو چکے، دہشتگردی کے بعض واقعات میں سیکیورٹی فورسز کو بھی نشانہ بنایا گیا ہے، جن میں ایک بریگیڈئیر اور 7 جوان شہید ہو چکے ہیں، ان حالات میں یہی مناسب ہے کہ پنجاب کی طرح کے پی میں بھی 8 اکتوبر کو انتخابات کرائے جائیں۔