کھانے میں زیادہ ٹماٹر استعمال کرنے پر بیوی گھر چھوڑ کر چلی گئی

 (ویب ڈیسک )پڑوسی ملک بھارت میں ٹماٹر کی قیمتیں آسمان کو چھونے لگی جبکہ کئی  گھروں میں لڑائی جھگڑوں کی وجہ  بھی ٹماٹر بن گئے،ایسی ہی ایک خبر بھارتی ریاست ضلع شہڈول سے  سامنے آئی ہے کہ شوہر کی جانب سے کھانے میں زیادہ  ٹماٹر استعمال کرنے پر بیوی گھر چھوڑ کر چلی گئی۔

بھارتی میڈیا  کے مطابق ریاست مدھیا پردیش کے ضلع شہدول میں  کھانے میں زیادہ ٹماٹر استعمال کرنے پر بیوی ناراض ہوکر شوہر کا گھر چھوڑ کر چلی گئی۔

متاثرہ شخص سنجیو برمن نامی شخص نے مقامی میڈیا کو بتایا کہ وہ ٹفن سروس کا کام کرتے ہیں انہوں نے ٹفن تیار کرنے کے لیے اپنی بیوی سے پوچھے بغیر  سالن کو ذائقہ دار بنانے کیلئے دو ٹماٹراستعمال کرلیے۔

برمن کے مطابق جب اس بات کا علم اس کی بیوی کو ہوا تو وہ پہلے وہ پریشان ہوئی اس دوران ان میں لڑائی ہوگئی۔ برمن کا کہنا تھا کہ لڑائی کے باعث میری بیوی ہماری بیٹی کے ساتھ گھر سے نکلی اور بس میں سوار ہوئی، میں تین دن سے اُس کی تلاش میں ہوں۔

Woman leaves home with daughter after dhaba-tiffin centre operator hubby Sanjiv Verma uses pricey tomatoes in tiffin without her consent in MP's Shahdol district. Sanjiv requests police to bring back wife- daughter. @NewIndianXpress @TheMornStandard @santwana99 @Shahid_Faridi_ pic.twitter.com/kCm6lapPja

— Anuraag Singh (@anuraag_niebpl) July 13, 2023

پورے بھار ت میں ان دنوں ٹماٹر کی قیمتیں آسمان سے باتیں کررہی ہیں، ٹماٹر کی بڑھتی ہوئی قیمت سے نہ صرف گھریلو صارفین بلکہ ریسٹورنٹ، فوڈ مینوفیچررز اور دیگر کاروباریوں کیلئے بھی چیلنجز کھڑے کردیئے ہیں جو اس پر بہت زیادہ انحصار کرتے ہیں۔

یہ بھی پڑھیں:12 سال بعد پاکستان کو چین میں چیری برآمد کرنے کی اجازت مل گئی