رمضان پیکج: 12500 کیسے حاصل کیا جاسکتا ہے؟

(ویب ڈیسک) حکومت خیبر پختونخوا نے ماہِ رمضان المبارک کے موقع پر مستحق شہریوں کے لیے خصوصی رمضان پیکج کا اعلان کیا ہے، جس کے تحت صوبے بھر میں 10 لاکھ خاندانوں کو مالی امداد فراہم کی جائے گی، ہر مستحق خاندان کو 12 ہزار 500 روپے دیے جائیں گے۔
حکام کے مطابق اس پیکج سے استفادہ حاصل کرنے کے لیے شہریوں کو اپنے علاقے کے متعلقہ ناظم، کونسلر یا مقامی صدور سے رابطہ کرنا ہوگا،درخواست گزار اپنے قومی شناختی کارڈ کی کاپی پر اپنا فعال موبائل نمبر تحریر کریں گے، جبکہ موبائل کمپنی کا نام بھی لازمی درج کرنا ہوگا، جیسے جاز، یو فون یا دیگر نیٹ ورک وغیرہ شامل ہیں۔

شناختی کارڈ کی کاپیاں مقامی نمائندوں کے ذریعے ضلعی انتظامیہ کو ارسال کی جائیں گی، تصدیقی عمل مکمل ہونے کے بعد چند روز میں امدادی رقم مستحق افراد کے شناختی کارڈ نمبر کے ذریعے جاری کر دی جائے گی۔

رمضان پیکج کے 12,500 روپے آپکو کیسے ملیں گے، یہ ویڈیو دیکھیں اور زیادہ سے زیادہ شئیر کریں۔ pic.twitter.com/3t77ozEPhI

— Khalid Khan Supari (@SupariKhan) February 23, 2026

حکام نے بتایا ہے کہ درخواست گزار کے فراہم کردہ موبائل نمبر پر ایک تصدیقی کوڈ بھیجا جائے گا،کوڈ موصول ہونے کے بعد مستحق فرد قریبی ایزی پیسہ شاپ پر جا کر اپنا شناختی کارڈ اور موصول شدہ کوڈ دکھائے گا، بائیومیٹرک تصدیق یعنی انگوٹھا لگانے کے بعد 12 ہزار 500 روپے کی رقم وصول کی جا سکے گی۔

انتظامیہ کا کہنا ہے کہ یہ رقم مکمل طور پر محفوظ طریقے سے جاری کی جائے گی اور کوئی دوسرا شخص متعلقہ فرد کی اجازت اور بائیومیٹرک تصدیق کے بغیر رقم وصول نہیں کر سکے گا۔

یہ بھی پڑھیں:ن لیگ کی بڑی شخصیت کے گھر  صف ماتم بچھ گئی

حکام نے عوام سے اپیل کی ہے کہ وہ بروقت اپنے شناختی کارڈ کی کاپیاں متعلقہ نمائندوں کے پاس جمع کرائیں تاکہ رمضان پیکج سے بروقت فائدہ اٹھایا جا سکے۔