پی سی بی نے پی ایس ایل کے کھلاڑیوں پر کڑی پابندیاں عا ئد کر دیں

(24 نیوز)پی سی بی حکام پی ایس ایل سکس کے بقیہ میچز کو کامیاب بنانے کے لیے متحرک ہوگئے،بقیہ میچز کے لیے کوویڈ پروٹوکولز سخت کردئیے گئے۔ پروٹوکولز کے تحت دوسرے شہروں سے لاہور اور کراچی میں رپورٹ کرنے والے کھلاڑیوں کو پبلک ٹرانسپورٹ پر آنے سے روک دیا گیاہے۔

ذرائع کے مطابق کھلاڑیوں کو اپنی ذاتی گاڑیوں پر ڈرائیور کے ساتھ سفر کرنے سے روک دیاگیاہے، اپنی ذاتی گاڑی کھلاڑی خود ڈرائیو کرکے ہوٹل آسکے گا۔ ذرائع کے مطابق کھلاڑیوں کو دوسرے شہروں سے پی سی بی کی گاڑیوں پرہوٹلز لایا جائے گا،جس کے لیے کھلاڑیوں اور سپورٹس سٹاف کو لانے والے ڈرائیورز کے کوویڈ ٹیسٹ کروالئے گئے ہیں،کھلاڑیوں،کوچز اور سپورٹ سٹاف کو لانے والی گاڑیوں کو راستے میں کہیں رکنے کی اجازت نہیں ہوگی۔
 کھلاڑیوں اور سپورٹس سٹاف نے اپنی کوویڈ رپورٹس فرنچائزز کو بھجوانا شروع کردیں، کھلاڑیوں کو کوویڈ پروٹوکولز سے آگاہی دے دی گئی ہے جبکہ پروٹوکولز کی خلاف ورزی کرنے والے کھلاڑی کو فوری طور پر الگ کردیا جائے گا جبکہ کھلاڑیوں کو کوویڈ پروٹوکولز پر باقاعدہ لیکچرز دئیے جائیں گے۔

یہ بھی پڑھیں:سعید اجمل نے محمد عامر سے متعلق اہم انکشاف کر دیا