عمران خان کی حمایت پر 2 اہم شخصیات عہدےسے فارغ
Stay tuned with 24 News HD Android App
(مانیٹرنگ ڈیسک)چیئرمین تحریک انصاف عمران خان کی دہشت گردی کے مقدمے میں بریت کی حمایت کرنیوالے دو پراسیکیوٹرز کو عہدے سے برطرف کردیا گیا۔
وزارت داخلہ نے دونوں اسپیشل پبلک پراسیکیوٹرز کو عہدے سے ہٹانے کا نوٹیفکیشن جاری کر دیا، عامر سلطان گورایا اور فاخرہ عامر سلطان انسداد دہشت گردی عدالت کے اسپیشل پبلک پراسیکیوٹرز تھے۔
دونوں پبلک پراسیکیوٹرز نے عمران خان اور پی ٹی آئی قیادت کی پارلیمنٹ پر حملے کے مقدمے میں بریت کی حمایت کی تھی۔
ایڈووکیٹ جنرل اسلام آباد نے عمران خان کی بریت کی حمایت کرنے پر دونوں پراسیکیوٹرز کو عہدے سے ہٹانے کیلئے خط لکھا تھا۔
واضح رہےکہ 2020 میں اسلام آباد کی انسداد دہشت گردی عدالت نے پارلیمنٹ حملہ کیس میں وزیراعظم عمران خان کو بری کردیا تھا، 2014 میں پاکستان تحریک انصاف (پی ٹی آئی) اور پاکستان عوامی تحریک (پی اے ٹی) کے دھرنے کے دوران مشتعل افراد نے پی ٹی وی کے ہیڈ کوارٹر پر دھاوا بولا تھا۔
یہ بھی پڑھیں:عمران خان کیخلاف بڑے ایکشن کی تیاری ، رانا ثنااللہ نے یقین دہانی کرادی
ن لیگ کی حکومت نے عمران خان اور ڈاکٹر طاہر القادری سمیت کم و بیش 70 افراد کے خلاف تھانہ سیکرٹریٹ میں پارلیمنٹ ہاؤس، پی ٹی وی اور سرکاری املاک پر حملوں کے الزام میں دہشت گردی کا مقدمہ درج کیا تھا۔
یہ بھی پڑھیں:اقراءعزیز کی شوہر کیساتھ بولڈ تصاویر وائرل۔سوشل میڈیا پر ہنگامہ مچ گیا