جویریہ سعود کے بچوں نے اسرائیل کی بڑی آفر ٹھکرا دی
Stay tuned with 24 News HD Android App
(ویب ڈیسک) پاکستانی اداکارہ اور میزبان جویریہ سعود کے دونوں بچوں نے اسرائیل کی حامی کمپنی کی طرف سے ملنے والی بڑی آفر ٹھکرا دی۔
تفصیلات کے مطابق جویریہ سعود نے اپنے آفیشل انسٹاگرام ہینڈل پر اپنی بیٹی جنت اور بیٹے ابراہیم کی تصویر پوسٹ کی جس کے ساتھ اداکارہ کے ایک اہم نوٹ بھی جاری کیا۔
اداکارہ کا اپنی پوسٹ میں کہنا تھا کہ میرے دونوں بچوں کو اسرائیل کی حامی کمپنی کے اشتہار میں کام کرنے کی پیشکش ہوئی تھی لیکن میرے بچوں نے اس کمپنی کے ساتھ کام کرنے سے انکار کردیا۔اُنہوں نے کہا کہ اس اشتہار کے شوٹ کی منصوبہ بندی ترکیہ میں ہونے والی ہے اور میرے بچوں نے ہمیں بھی اس شوٹ کی منصوبہ بندی میں شرکت کرنے اور اس کا حصہ نہ بننے پر قائل کیا۔
مزید پڑھیں: تاریخ میں پہلی بار اوپن مارکیٹ میں آٹا سستا ، یوٹیلٹی سٹوروں پر مہنگا
جویریہ نے کہا کہ میرے بچے اسرائیل کی حمایت کرنے والی کمپنی کے ساتھ کام کرکے اپنے اخلاق سے سمجھوتہ نہیں کرنا چاہتے تھے، اسی وجہ سے اُنہوں نے یہ پیشکش قبول نہیں کی۔اداکارہ نے کہا کہ جنت اور ابراہیم نے ہمیں بتایا کہ اگر ہم فلسطین کے لیے کچھ اور نہیں کر سکتے تو کم از کم اسرائیل کے حامیوں کا بائیکاٹ کرکے اپنا چھوٹا سا کردار تو ادا کر ہی سکتے ہیں۔سوشل میڈیا صارفین کی جانب سے جویریہ اور سعود کے بچوں کے اس اقدام کو خوب سراہا جارہا ہے۔
واضح رہے کہ 7 اکتوبر 2023 سے غزہ میں جاری اسرائیلی حملوں اور بربریت میں اب تک 35 ہزار سے زائد معصوم فلسطینی شہید اور 79 ہزار سے زائد زخمی ہو چکے ہیں جن میں خواتین اور بچے بھی شامل ہیں۔