کراچی،فیکٹری کا بوائلر دھماکے سے پھٹ گیا ،چھت گرنے سے8 افراد جا ں بحق،13 افراد زخمی

(24نیوز)نیو کراچی صبا سینما کے قریب فیکٹری میں بوائلر دھماکے سے پھٹ گیا،جس سے فیکٹری کی چھت گرنے سے ملبے تلے دبنے سے8 افراد جا ں بحق  جبکہ13 زخمی ہو گئے ہیں۔زخمیوں میں سے تین افرا د کی حا لت تشویشنا ک بتا ئی جا رہی ہے۔
 تفصیلا ت کے مطا بق ڈاکٹر سلمیٰ کو ثر کا کہنا ہے کہ 13 زخمیوں کو عباسی شہید اسپتال لایا گیا جن میں سے 8 کی ہلاکت ہوگئی جبکہ3 زخمیوں کی حالت تشویش ناک ہے۔ ایک زخمی کو جناح ہسپتا ل بھیجا گیا ہے، زخمیوں میں 2 خواتین بھی شامل ہیں۔واقعہ کی اطلاع ملتے ہی پولیس ،ایدھی اور دیگر امدادی ٹیمیں موقع پر پہنچ گئیں،جنہوں نے ملبے تلے سے زخمیوں کو نکال کرہسپتال منتقل کردیا ۔