نیوزی لینڈ اور انگلینڈ کے دوروں کی منسوخی سے کروڑوں  کا نقصان ہوا: فواد چودھری

Sep 21, 2021 | 12:53:PM
  نیوزی لینڈ ,انگلینڈ ,دوروں کی منسوخی
کیپشن: وفاقی وزیر برائے اطلاعات و نشریات فواد چودھری

 (24نیوز)وفاقی وزیر برائے اطلاعات و نشریات فواد چودھری نے کہاہے کہ نیوزی لینڈ اور انگلینڈ کے دوروں کی منسوخی سے کروڑوں روپے کا نقصان ہوا، دونوں بورڈز کیخلاف قانونی کارروائی کیلئےوکلا سےمشورہ کریں گے۔سازشی عناصر کو ناکامی کے سوا کچھ نہیں ملے گا۔

فواد چودھری  نےاپنے ٹوئٹ میں  کہا کہ پاکستان کیخلاف ایک مخصوص بین القوامی لابی مصروف عمل ہے لیکن ہمیں جھکانے کی خواہش رکھنے والے کبھی کامیاب نہیں ہوں گے یہ غلط فہمی جلد دور کر لیں۔

واضح رہے کہ گزشتہ ہفتے نیوزی لینڈ نے ون ڈے میچ شروع ہونے سے کچھ لمحات پہلے سیکیورٹی خدشات کا بہانہ بناتے ہوئے سیریز کی منسوخی کا اچانک اعلان کیا تھا۔ 

 یہ بھی پڑھیں: عوام خود دیکھ لیں ملک میں کون کرپٹ ہے اور کون نہیں: خاقان عباسی