بچوں اور نوجوانوں میں موبائل فون کا حد سے زیادہ استعمال، ماہرین نے خطرے کی گھنٹی بجا دی

(24 نیوز)ماہرین نے بچوں اور نوجوانوں میں سکرین کے حد سے زیادہ استعمال پر  خطرے کی گھنٹی بجا دی ہے۔

امریکا میں ماہرین نے کہا ہے کہ بچوں اور نوجوانوں میں اسکرین کا حد سے زیادہ استعمال مثلاً سوشل میڈیا پر مسلسل اسکرولنگ، بغیر رکے ٹیکسٹنگ اور دیر تک ویڈیو گیمز کھیلنے سے خراب نیند، سکول میں بری کارکردگی، جسمانی سرگرمی میں کمی اور میل جول کے کمزور ہونے کا باعث بن سکتا ہے۔

 غیر ملکی میڈیا کے مطابق سرجن جنرل کے مشاورتی بیان میں نقصانات سے محفوظ رکھنے کےلیے تجویز پیش  کی گئی ہے کہ 18 ماہ سے کم عمر بچوں کے لیے  سکرین ٹائم بالکل ختم کردیا جائے۔

تجویز میں کہا گیا ہے کہ6 سال سے کم عمر بچوں کے لیے روزانہ ایک گھنٹے سے کم جب کہ 6 سے 18 سال کی عمر کے بچوں کے لیے روزانہ 2 گھنٹے تک سکرین ٹائم محدود ہونا چاہیے۔

مزید پڑھیں:’’مکار مداری والا‘‘ناروے کے اخبار میں بھارتی وزیر اعظم نریندر مودی کا کارٹون شائع