وزیراعلیٰ خیبرپختونخوا کی آصف زرداری اور نوازشریف کے گھر پولیس بھیجنے کی دھمکی

(ویب ڈیسک)وزیراعلیٰ خیبرپختونخوا نے صدرمملکت اور نوازشریف کے گھر وارنٹ نکلواکر پولیس بھیجنے کی دھمکی دےدی۔

نجی ٹی وی کی رپورٹ کے مطابق  علی امین گنڈاپور کا کہنا ہے ان کےخلاف جعلی ایف آئی آر درج کروائی گئیں، وفاقی اور پنجاب حکومت بازآجائیں، چیلنج کرتاہوں مجھے گرفتار کرکے دکھائیں، یہ آئیں گے تو پتہ چل جائے گا کس میں کتنا دم ہے۔

وزیراعلیٰ خیبرپختونخوا نے وزیراعلیٰ پنجاب مریم نواز کا نام لے کر تنقید کی اور  کہا وہ جعلی مینڈیٹ پر وزیراعلیٰ بنی بیٹھی ہیں،اپنی حدود سے تجاوز نہ کریں، ایسانہ ہومیں وارنٹ نکال کران کےگھر پولیس بھیج دوں۔

یہ بھی پڑھیں:نواز شریف کی صدارت میں انتظامی اجلاس کا معاملہ عدالت پہنچ گیا

علی امین گنڈاپور کا مزید کہنا تھا کہ وفاقی اور پنجاب حکومت اپنی حرکتوں سے بعض آجائے، یہ چاہتےہیں 2صوبوں کےلوگوں کوآپس میں لڑایا جائے، یہ خود کو بڑا بدمعاش سمجھتے ہیں توآئیں مجھے گرفتارکرلیں۔