بلاول کی نبیل گبول سے ہاتھ نہ ملانے کی ویڈیو وائرل

(24 نیوز ) میئر کراچی کی تقریب حلف برداری میں چیئر مین پاکستان پیپلز پارٹی کی اہم پی پی رہنما نبیل گبول سے ہاتھ ملانے سے گریز کی ویڈیو سوشل میڈیا پر وائرل ہو گئی ۔

تفصیلات کے مطابق سوشل میڈیا پر پیپلز پارٹی کے اندر اختلاف کی خبریں اکثر و بیشتر گردش کرتی رہتی ہیں جو  وقت کے ساتھ اپنی موت آپ مر جاتی ہیں ، ایسا ہی اب ایک بار پھر سے ہوا ہے، سوشل میڈیا پر ایک ویڈیو وائرل ہو رہی ہے جسے سینئر صحافی طلعت حسین نے بھی شیئر کیا ہے ۔

A really short current affairs show. pic.twitter.com/sCkybeAYAi

— Syed Talat Hussain (@TalatHussain12) June 19, 2023

ویڈیو میں دیکھا جا سکتا ہے کہ میئر کراچی کی تقریب حلف برداری میں کراچی سے تعلق رکھنے والے اہم پی پی رہنما نبیل گبول جب  چیئر مین پیپلز پارٹی بلاول بھٹو سے ملاقات کیلئے آئے تو بلاول بھٹو نے نبیل گبول سے ہاتھ نہیں ملایا بلکہ  ایک شخص کو انہیں دور کرنے کا کہا اور پھر وہ شخص انہیں بلاول بھٹو سے دور لے گیا ۔