شلپا شیٹھی ڈانس شو کے سیٹ پررو پڑیں۔۔ وجہ کیا بنی ؟

(مانیٹرنگ ڈیسک) اداکارہ شلپا شیٹھی شوہر راج کندرا کی پورن فلم اسکینڈل میں گرفتاری کے بعد پہلی بار ڈانس شو کے سیٹ پر پہنچیں جہاں وہ جذبات پر قابو نہ رکھ سکیں اور رو پڑیں۔

تفصیلات کے مطابق اداکارہ شلپا شیٹھی کے شوہر بزنس مین راج کندرا فحش فلمیں بنانے کے الزام میں گرفتار ہیں۔ اداکارہ شلپا شیٹھی سے بھی ممبئی کرائم برانچ نے کئی بار پوچھ تاچھ کی ہے۔ شلپا شیٹھی ڈانس رئیلیٹی شو ”سپرڈانسر سیزن4“ کی جج بھی ہیں تاہم شوہر کی گرفتاری کے بعد انہوں نے کام سے متعلق اپنی تمام سرگرمیاں ترک کردی تھیں۔

 شلپا شیٹھی تقریباً ایک ماہ کے وقفے کے بعد ڈانس شو کے سیٹ پر پہنچیں جہاں شو کی ٹیم نے ان کا پرتپاک استقبال کیا۔ میڈیا رپورٹس کے مطابق شو انتظامیہ مسلسل شلپا شیٹھی کے ساتھ رابطے میں تھی اور انہوں نے بتایا کہ شلپا شیٹھی صرف اپنے بچوں اور فیملی کی وجہ سے نہیں بلکہ وہ اپنے لیے بھی شو میں واپس آنا چاہتی تھیں۔
میڈیا رپورٹس کے مطابق ”سپر ڈانسر شو سیزن 4“ کی ٹیم اور دیگر ججز انوراگ باسو اور گیتا کپور نے شلپا شیٹھی کا سیٹ پر پرتپاک استقبال کیا جس کی وجہ سے وہ جذباتی ہوگئیں اور روپڑیں۔
یاد رہے کہ انوراگ باسو نے ایک انٹرویو میں شلپا شیٹھی کی شو میں غیرحاضری پر کہا تھا کہ ”سپر ڈانسر 4 “ کی پوری ٹیم شلپا شیٹھی کو یاد کررہی ہے کیونکہ ہم صرف ڈانس شوکی ٹیم نہیں ہیں بلکہ ہم ایک چھوٹی سی فیملی بن چکے ہیں جس کا اگر ایک فرد بھی موجود نہ ہوتو بہت مشکل ہوتی ہے شلپا ہمیں بہت عزیز ہیں۔
یہ بھی پڑھیں:سنتھیا رچی کا ہوش میں آنے کے بعدسنسنی خیز بیان سامنے آ گیا

View this post on Instagram

A post shared by B O L L Y W O O D (@filmygalaxy)