عمران خان کا صحافیوں سے متعلق بیان، مریم اورنگزیب کا سخت ردعمل

 (24 نیوز) عمران خان کے صحافیوں سے متعلق بیان پر وفاقی وزیر اطلاعات مریم اورنگزیب نے سخت ردعمل دیتے ہوئے کہا کہ سینئر صحافیوں کیخلاف گھٹیا گفتگو فتنے کی ذہنیت کی عکاس ہے۔

غریدہ فاروقی اورسلیم صافی کے خلاف گھٹیا گفتگو فارن فنڈد فتنے کی ذہنیت ،تربیت اور فطرت کی عکاس ہے۔مدینہ کی ریاست پہ سیاست کرنے والے کے شر سے قومی مفادات،ادارے اور شہدا نہ بچ سکے . جس جھوٹے نے معاشرے سے صحیح اور غلط کی تمیز کو مٹا دیا اُسے خواتین اور صحافیوں کی عزت کی کیا تمیز

— Marriyum Aurangzeb (@Marriyum_A) October 19, 2022

 وفاقی وزیر اطلاعات مریم اورنگزیب نے سماجی رابطے کی ویب سائٹ ٹویٹر پر اپنے بیان میں کہا ہے کہ مدینہ کی ریاست کی باتیں کرنے والے کے شر سے کوئی محفوظ نہیں، غریدہ فاروقی اور سلیم صافی کے خلاف گھٹیا گفتگو فارن فنڈد فتنے کی ذہنیت، تربیت اور فطرت کی عکاس ہے۔

مریم اورنگزیب کا کہنا تھا کہ جس جھوٹے نے معاشرے سے صحیح اور غلط کی تمیز کو مٹا دیا اُسے خواتین اور صحافیوں کی عزت کی کیا تمیز۔