بالی ووڈ کے مسٹر پرفیکٹ عامر خان بھی سسر بن گئے

(ویب ڈیسک )بالی ووڈ سپر اسٹار عامر خان کی بیٹی ایرا خان کی اپنے دوست نپور شکھیرے کے ساتھ منگنی ہوگئی ہے۔ ممبئی میں منعقدہ اس تقریب میں عامر خان، رینا دتہ، کرن راؤ سمیت دیگر قریبی دوست احباب نے شرکت کی اور نئے جوڑے کو مبارک باد اور نیک تمناؤں کا اظہار کیا۔

 تفصیلات کے مطابق گزشتہ رات ہونے والی منگنی کی مختصر تقریب کی تصاویر سوشل میڈیا پر وائرل ہوگئیں،  ایرا خان نے اس خاص موقع پر سرخ جوڑا زیب تن کیا جبکہ نپور شکھیرے نے سیاہ رنگ کے سوٹ کا انتخاب کیا تھا۔منگنی کی اس تقریب میں عامر خان کی والدہ زینت حسین، کرن راؤ نے اپنے بیٹے آزاد خان اور عامر خان کے بھانجے عمران خان نے بھی شرکت کی۔

Aamir Khan's daughter Ira gets engaged to BF Nupur Shikhare. See pics Aamir Khans daughter Ira gets engaged to BF Nupur Shikhare See pics https://t.co/meMVLYzvvR pic.twitter.com/tWpITvryUX

— JOB MELA (@alokbha59102427) November 18, 2022

طویل عرصے سئ اسکرین سے غائب رہنے والے عمران خان کو دیکھ کر ان کے مداحوں نے ان سے اسکرین پر ایک بار پھر واپس آنے کی خواہش کا اظہار کیا۔دوسری جانب عامر خان کو اس موقع پر روایتی لباس میں دیکھا جاسکتا ہے، انہوں نے کڑھائی والی شلوار قمیض زیب تن کی ہوئی تھی۔

واضح رہے کہ نپور شکھیرے ایک سیلیبریٹی فٹنس ٹرینر ہیں۔ چند روز قبل انہوں نے اپنے سائیکلنگ ایوینٹ میں ایرا خان کو شادی کی پیشکش کی تھی جس کی ویڈیو سوشل میڈیا پر خوب وائرل ہوئی تھی۔