دوسرا ٹیسٹ۔۔ قومی کرکٹ ٹیم میں تبدیلیوں کا امکان

(مانیٹرنگ ڈیسک)پاکستان اور ویسٹ انڈیز کے درمیان دوسرا ٹیسٹ میچ آج کھیلا جائے گا۔ ویسٹ انڈیز نے پہلا ٹیسٹ میچ ایک وکٹ سے جیتا جبکہ میزبان ٹیم کو سیریز میں ایک صفر کی برتری حاصل ہے۔ 

تفصیلات کے مطابق پاکستان اور ویسٹ انڈیز کی ٹیمیں سیریز کے دوسرے اور آخری ٹیسٹ میچ میں کنسگٹن میں مدمقابل ہوں گی۔ پاکستان کو سیریز میں شکست سے بچنے کے لئے دوسرے ٹیسٹ میں فتح درکار ہے۔ 
ویسٹ انڈیز نے دلچسپ مقابلے کے بعد پہلا ٹیسٹ میچ ایک وکٹ سے جیتا تھا۔پہلے ٹیسٹ میچ میں پیسرز نے شاندار کارکردگی دکھائی تاہم فیلڈرز نے تین کیچ چھوڑ کرجیتا میچ گنوا دیا۔

ذرائع کا کہنا ہے کہ دوسرے میچ میں کامیابی کے لئے پاکستان کو بیٹنگ اور فیلڈنگ میں بہتری لانا ہوگی۔ دوسرے ٹیسٹ کے لئے قومی اسکواڈ میں تبدیلیوں کا امکان ہے جبکہ عمران بٹ اور یاسر شاہ کو ڈراپ کیا جاسکتا ہے۔
یہ بھی پڑھیں:مینارِ پاکستان واقعہ میں اہم پیش رفت۔۔ 35 افراد گرفتار