داتادربار :لنگر تقسیم کرنے کے دوران گولیاں چل گئیں،باپ جاں بحق،بیٹے زخمی

(ویب ڈیسک)لاہورمیں داتادربار کے قریب لنگر تقسیم کرنے کے دوران تلخ کلامی پر  فائرنگ سے ایک شخص جاں بحق جبکہ 3 افراد زخمی ہو گئے۔

ریسکیو ذرائع کے مطابق لاہورمیں داتادربار کے قریب لنگر تقسیم کرنے کے دوران تلخ کلامی پر بابو جٹ  نامی شخص نےگولیاں چلا دیں، فائرنگ سے ایک شخص جاں بحق جبکہ 3 افراد زخمی ہو گئے، لاش اور زخمیوں کو ہسپتال منتقل کر دیا گیا۔

 ذرائع کا کہنا ہے کہ داتا دربار آئے باپ  اور دوبیٹوں پر با اثر افراد نے گولیاں برسادیں جس کی زد میں آ کر ایک راہ گیر بھی زخمی ہو ا ہے۔

ملزم بابو جٹ فرار  ہو گیا،پولیس نےشواہد اکٹھے کرکے تفتیش شروع کردی۔
 یہ بھی پڑھیں: سیاست میں ہلچل،جہانگیر ترین کو آخر کاربڑی کامیابی مل گئی