بھارتی فوج کی ایل او سی پر یو این فوجی مبصرین پر فائرنگ، بال بال بچے،پاکستان کی شدید مذمت

(24 نیوز)بھارتی فوج کی ایل او سی پر بلااشتعال فائرنگ سے اقوام متحدہ فوجی مبصرین کی گاڑی کو نقصان پہنچا، گاڑی میں موجوداقوام متحدہ کے دونوں فوجی مبصرین محفوظ رہے۔
پاک فوج کے تعلقات عامہ کے شعبے آئی ایس پی آر کے مطابق اقوام متحدہ کے فوجی مبصرین پولاس گاﺅں میں متاثرین سے ملنے جا رہے تھے ،اقوام متحدہ کی گاڑیاں واضح طورپردورسے بھی پہچانی جاتی ہیں ،بھارتی فورسزنے چری سیکٹر میں جان بوجھ کراقوام متحدہ کی گاڑیوں کونشانہ بنایا۔

Indian Army resorted to unprovoked fire in Chirikot Sector of #LOC. Indian troops deliberately targeted a United Nations vehicle with 2 Military Observers on board, enroute to interact with CFV victims in Polas Village in Chirikot Sector. It must be noted that the UN (1/4) pic.twitter.com/9MB0uLpq6d

— DG ISPR (@OfficialDGISPR) December 18, 2020

آئی ایس پی آر کے مطابق بھارتی فوج کی فائرنگ سے اقوام متحدہ کی گاڑی کو نقصان پہنچا، تاہم گاڑی میں موجود اقوام متحدہ کے دونوں فوجی مبصرین محفوظ رہے،آئی ایس پی آر کاکہنا ہے کہ دونوں اقوام متحدہ مبصرین کوپاک فوج نے بحفاظت راولاکوٹ منتقل کردیاگیا۔

…Such illegal and unlawful acts against all established international norms, signify mal-intent of Indian Army to target not only innocent civilians residing along the Line of Control but #UN Peace Keepers as well. This act only goes to show Indian Army’s complete (3/4)

— DG ISPR (@OfficialDGISPR) December 18, 2020

گاڑیوں پر یو این لکھا دور سے دیکھا جاسکتا تھا،بھارتی فورسز کا یہ غیرقانونی اقدام تمام بین الااقومی قوانین کی خلاف ورزی ہے،آئی ایس پی آر کا کہنا ہے کہ بھارت ایل او سی نہ صرف شہریوں کو بلکہ اقوام متحدہ کے اہلکاروں کو نشانہ بنارہا ہے،اس اقدام یہ واضح ہوگیا ہے کہ بھارت اقوام متحدہ چارٹر کو بھی نظر انداز کر دیا، آئی ایس پی آرکا کہناہے کہ اقوام متحدہ کے مبصر مشن سے اظہار یکجہتی کرتے ہیں،اقوام متحدہ مشن کے اہلکاروں کی خدمات کو خراج تحسین پیش کرتے ہیں۔

…disregard to principles enshrined in UN Charter. It is indeed a new low for Indian Army. Pakistan Army stands in solidarity with #UNMOGIP officials and appreciates the selfless services rendered by all members of UNMOGIP in discharge of their UN mandated duties. (4/4)

— DG ISPR (@OfficialDGISPR) December 18, 2020

ادھر ترجمان دفتر خارجہ نے کہا ہے کہ پاکستان سیز فائر معاہدے کی بھارتی خلاف ورزیوں کی مذمت کرتا ہے، پاک افواج کسی بھی بھارتی جارحیت کا منہ توڑ جواب دینے کیلئے تیار ہیں،بھارتی افواج نے آج چری کوٹ سیکٹر میں اقوام متحدہ ملٹری آبزرور گروپ کی گاڑی کو نشانہ بنایا،ملٹری آبزرور گروپ کی گاڑی کو نشانہ بنانا بین الاقوامی ذمہ داریوں کی خلاف ورزی ہے۔
میڈیا کو بریفنگ دیتے ہوئے ترجمان دفتر خارجہ کا کہنا تھا کہ بھارت کا اصل چہرہ دنیا کے سامنے بے نقاب ہو چکا ہے۔ بھارت کو کسی بھی مہم جوئی پر حالات کی سنگینی کا اندازہ ہونا چاہئے، پاکستان عالمی برادری سے بھارتی مہم جوئی روکنے کا مطالبہ کرتا ہے۔
زاہد حفیظ چودھری نے کہا کہ بھارتی فوج نے کنٹرول لائن کے چری سیکٹر پر بلا اشتعال فائرنگ کی اور اقوام متحدہ کے مبصرین کی گاڑی کو نشانہ بنایا، تاہم خوش قسمتی سے گاڑی میں سوار افراد محفوظ رہے، پاکستان بھارت سے 2003 فائر بندی معاہدے کی پاسداری کا مطالبہ دہراتا ہے۔