اشرف غنی کس ملک میں ہیں؟ بھائی نے بتا دیا

Aug 18, 2021 | 18:44:PM
اشرف غنی کس ملک میں ہیں؟ بھائی نے بتا دیا

(24 نیوز)سابق افغان صدر اشرف کس ملک میں ہیں ان کے بھائی نے بتا دیا۔

میڈیا سے گفتگو میں حشمت غنی کا کہنا تھاکہ امیدہے کہ طالبان افغان عوام کوامن دیں گے، طالبان کے آنے سے اب تک کسی قسم کا جانی نقصان نہیں ہوا۔انہوں نے کہا کہ اشرف غنی اور حامد کرزئی کے دور اقتدارمیں کرپشن عام تھی، امید ہے آنے و الی حکومت میں اہل لوگ شامل ہوں گے۔

امراللہ صالح کے حوالے سے حشمت غنی کا کہنا تھاکہ امر اللہ صالح سیاسی بندہ نہیں، اس کے پاس دو لوگ نہیں، امر اللہ صالح سوشل میڈیا پرسیاست کررہا ہے جبکہ پنجشیر کے عمائدین بھی لڑنے کو ترجیح نہیں دیتے۔

یہ بھی پڑھیں: برطانوی عدالت نے پی آئی اے کے حق میں فیصلہ دے دیا

ان کا کہنا تھاکہ طالبان لمحہ بہ لمحہ میری خیریت معلوم کرنے کیلئے کال کررہے ہیں۔بھائی کے حوالے سے حشمت غنی کا کہنا تھاکہ میری معلومات کے مطابق اشرف غنی مشرق وسطیٰ میں ہے۔

خیال رہے کہ افغانستان کے دارالحکومت کابل میں طالبان کے داخلے کے بعد سابق صدر اشرف غنی ملک سے فرار ہوگئے تھے۔ان کے فرار کے بعد رپورٹس سامنے آئیں تھیں کہ وہ تاجکستان فرار ہوئے تاہم تاجک وزارت خارجہ نے تردید کی ہے۔

یہ بھی پڑھیں: طالبان نے ہسپتال میں چو ری کرنے وا لے کے ہاتھ کا ٹنے کے بجا ئے معا فی دے دی۔۔ویڈیو وا ئرل