چیئرمین پی سی بی کی ہدایات پر پی جے ایل کے بقایا واجبات ادا کردیے گئے

(24 نیوز) پی سی بی مینجمنٹ کمیٹی کے رکن شکیل شیخ کے مطابق چیئر مین پی سی بی مینجمنٹ کمیٹی نجم سیٹھی نے پاکستان جونئیر لیگ کے بقایا واجبات ادا کرنے کے احکامات جاری کردیے ہیں۔

شکیل شیخ کے مطابق سابق چیئرمین پی سی بی رمیز راجہ کے دور میں پاکستان جونیئر لیگ کی ادائیگیوں میں تاخیر کی گئی۔

Great news!
Ramiz’s messy financial backlog of Pak Jr League (PJL) is cleared.
New PCB admin u/@najamsethi has made payments to all foreign/local players & mentors.
As he bought a bullet-proof car 4 himself, Ramiz left behind massive outstanding payments and $ 4.3 mln losses.

— Shakil Shaikh (@shakilsh58) January 17, 2023

شکیل شیخ کے مطابق غیرملکی کرکٹرز کو 70 فیصد ادائیگیاں کی گئی ہیں جبکہ مقامی کھلاڑیوں کو معاوضے کی ادائیگی نہیں ہوئی۔

یہ بھی پڑھیے: رمیز راجہ کے دور میں پاکستان جونیئر لیگ کی ادائیگیاں نہیں کی گئیں، شکیل شیخ

ذرائع کے مطابق پی جے ایل کا اختتام 21 اکتوبر کو ہوا، ایونٹ سے قبل ملکی کھلاڑیوں کو ادائیگیاں ہونا تھیں، ڈومیسٹک کرکٹرز کے معاوضوں کے ایشو کے بعد اب مینجمنٹ کمیٹی پی جے ایل کے معاملے کو دیکھے گی۔

پاکستان جونیئر لیگ میں 3 کیٹیگریز میں ایک ٹیم کے 4 ایلیٹ کھلاڑیوں کو 16 ہزار ڈالرز، 5 کھلاڑیوں کو 12 ہزار ڈالرز اور 6 ایکس فیکٹر کھلاڑیوں کے ساتھ 6 ہزار ڈالرز میں معاہدہ ہوا تھا۔