لاہور میں چینی کی شدیدقلت،شہری ایک کلوچینی کوبھی ترسنے لگے

( سعید احمد)لاہور میں چینی کی قلت برقرارہے، گنجان آباد علاقوں میں چینی کی فروخت بندہونے کے باعث شہری ایک کلو چینی کو بھی ترسنے لگے۔
 دوکانوں کے باہر سرکاری ریٹ پر چینی کی فروخت کے بورڈ آویزاں ہیں لیکن چینی اندر دستیاب ہی نہیں ہے۔
ضلعی انتظامیہ کی جانب سے چینی کی سپلائی میں مبینہ گھپلے بھی سامنے آئے ہیں،ہول سیل ڈیلرز کی جانب سے من پسندافرادکوچینی فروخت کی جارہی ہےجبکہ مختلف علاقوں میں چھوٹےدکاندارکوچینی نہیں دی جارہی۔

یہ بھی پڑھیں:مزید کلاؤڈ برسٹ دیکھنے پڑ سکتے ہیں: چیئرمین این ڈی ایم اے نے خبردار کردیا
لاہور کے علاقوں علامہ اقبال ٹاؤن، اچھرہ اور شادمان کی بیشتر دکانوں پر چینی دستیاب ہی نہیں ہے جبکہ دکانوں کےباہرسرکاری ریٹ پرچینی کی فروخت کے بورڈآویزاں ہیں۔