پاکستان میں پیناڈول نایاب کیوں ہو گئی؟ وجہ سامنے آگئی

(ویب ڈیسک) پاکستان میں نیاب ہونے کی بڑی وجہ   پیناڈول میں استعمال ہونے والے سالٹ کی قیمت میں اضافہ،ڈینگی  کیسز میں اضافے کے بعد اس کی طلب میں  اضافہ اور ذخیرہ اندوزی ہے۔

پاکستان فارما سوٹیکل مینوفیکچررز ایسوسی ایشن کے چیئرمین منصور دلاور نے  تصدیق کی کہ یہ گولی قلت کا شکار ہے، جس کی وجہ یہ ہے کہ اس میں استعمال ہونے والے سالٹ کی درآمد کی قیمت میں بہت اضافہ ہوا ہے۔جو سالٹ 600 روپے فی کلو پر ملتا تھا اب وہ 2400 روپے فی کلو پر ملتا ہے۔

منصور دلاور نے بتایا کہ ’ملک میں سالانہ بنیادوں پر 45 کروڑ گولیوں کی پیداوار کی جاتی ہے، جو کمپنی یہ دوا بنا رہی تھی اس کی جانب سے قیمت بڑھانے کی درخواست کے باوجود حکومت نے قیمت نہیں بڑھائی جس سے کمپنی کو نقصان ہوتا رہا ہے اور انھوں نے اس کی پیداوار بہت کم کر دی ہے۔

Drug Regulatory Authority of Pakistan Raid in Karachi Densohall
Medicine Market
pills of panadol Recorded@BBhuttoZardari @A_Qadir_Patel pic.twitter.com/Sx4O9FCTSM

— Nuzhatrazzak (@Nuzhatrazzak11) September 15, 2022

ماہرین صحت اور اس شعبے سے وابستہ افراد کے مطابق ڈینگی بخار کے کیسز میں اضافے کے بعد اس کی طلب میں بہت زیادہ اضافہ دیکھنے میں آیا ہے۔ جس کے بعد ہول سیلرز مافیہ نے   پیناڈول کی  ذخیرہ اندوزی شروع کردی ہے۔جس کو مارکیٹ میں قلت بڑھا کر کے زیادہ قیمت پر بیچا جا رہا ہے۔ پیناڈول کی 100 گولیوں کا ایک پیکٹ 350 روپے میں ملتا تھا جو اب 1000 روپے میں میسر ہے۔

واضح رہے ملک میں چھاپے مار کے ذخیرہ کی گئی لاکھوں پیناڈول کی گولیوں کو برآمد کیا جا رہا ہے۔