بابر اعظم کی چھٹی سنچری۔انگلش کمپنی کا خاص تحفہ دینے کا اعلان

 (ویب ڈیسک) بابر اعظم نے گزشتہ روز آسٹریلیا کے خلاف ٹیسٹ میچ میں اپنے کیرئیر کی چھٹی ٹیسٹ سنچری اسکور کی۔
 آسٹریلیا کے خلاف دوسرے ٹیسٹ میچ میں کپتان بابر اعظم کی سنچری اسکور کرنے پر انگلش کمپنی نے شائقین  کرکٹ کو خاص تحفہ بھیجنے کا اعلان کردیا۔

 دنیا کی سب سے بڑی انگلش اسپورٹنگ کمپنی گرے نکولس نے بابراعظم کی سنچری سے قبل ایک ٹوئٹ کی تھی جس میں وعدہ کیا گیا تھا کہ اگر بابر سنچری اسکور کرلیتے ہیں ہم شائقین کرکٹ کو ان کی ذاتی خصوصیات میں سے ایک Vapour 1.3 بلا دیں گے۔ٹوئٹ میں درج تھا کہ تحفہ صرف برطانیہ کے پتے پر ہی بھیجا جائے گا۔

He's done it!

A quite stunning century from @babarazam258. https://t.co/vGwKNQRr5f

— Gray-Nicolls (@graynics) March 15, 2022

بابر کی ٹوئٹ پر کمپنی نے گزشتہ ٹوئٹ کو ری ٹوئٹ کرتے ہوئے ایک ٹوئٹ کی جس میں لکھا تھا کہ بابر نے کردکھایابابر کی سنچری شاندار رہی۔

  2020 میں خبر سامنے آئی تھی کہ بابر اعظم نے سب سے بڑی کمپنی گرے نکولس سے معاہدہ کرلیا ہے جس کے بعد بابر اعظم اس کمپنی کا بلا، گلووز اور پیڈ استعمال کریں گے۔

خیال رہے کہ بابر اعظم نے گزشتہ روز آسٹریلیا کے خلاف ٹیسٹ میچ  میں  اپنے کیرئیر کی چھٹی ٹیسٹ سنچری اسکور کی ہے۔
 یہ بھی پڑھیں:      حکومت کو نہیں پتہ کون انکے ساتھ ہےاورکون نہیں۔پرویز الہی