انتخابات میں شکست ۔نوجوت سنگھ سدھو عہدے سےمستعفی
Stay tuned with 24 News HD Android App
(ویب ڈیسک)نوجوت سنگھ سدھو نےپردیش کانگریس کمیٹی پنجاب کی صدارت سےاستعفی دیدیا۔
تفصیلات کے مطابق بھارتی ریاست پنجاب میں کانگریس کے رہنما نوجوت سنگھ سدھو پردیش کانگریس کمیٹی پنجاب کی صدارت سے مستعفی ہو گئے۔بھارتی میڈیا کے مطابق حال ہی میں ہونے والے 5 ریاستوں کے اسمبلی انتخابات میں خراب کارکردگی کے بعد کانگریس کی صدر سونیا گاندھی نے گزشتہ روز مختلف صدور کو استعفیٰ دینے کی ہدایت کی تھی۔
سونیا گاندھی نے اتر پردیش، اتر کھنڈ، پنجاب، گوا اور منی پور کے پردیش کانگریس کمیٹی (پی سی سی) کے صدور کو مستعفی ہونے کی ہدایت کی تھی تاکہ پارٹی کی تنظیمِ نو آسان بنائی جا سکے۔
اتر کھنڈ، گوا، اتر پردیش کانگریس کمیٹی کے سربراہ اسمبلی انتخابات میں شکست کی ذمے داری قبول کرتے ہوئے پہلے ہی عہدے سے استعفیٰ دے چکے ہیں۔منی پور کانگریس کمیٹی کے صدر عہدے پر برقرارہیں۔
واضح رہے منی پور کانگریس کمیٹی کے صدر کا استعفیٰ آنا ابھی باقی ہے۔
یہ بھی پڑھیں: ڈالر مزید تگڑا روپیہ کمزورہو گیا