دنیا کی سب سے کم عمر مصنفہ ، 3 سالہ بچی نے تاریخ رقم کردی
Stay tuned with 24 News HD Android App
(ویب ڈیسک)متحدہ عرب امارات کی تین سالہ بچی ماہا راشد نے بچوں کی دو کہانیاں ‘دی فلاور’ اور ‘ہنی بی’ شائع کرکے تاریخ رقم کردی ہے۔
خلیج ٹائمز کے مطابق ماہا نے دنیا کی کم عمر ترین مصنفہ ہونے کا اعزاز اپنے نام کیا ہے۔ ننھی پری کا تعلق گنیز ورلڈ ریکارڈ رکھنے والوں کے خاندان سے ہے۔
24 گھنٹوں کے اندر، اس نے اپنی دونوں کتابوں کی 1,000 سے زائد کاپیاں فروخت کیں اور دنیا کی سب سے کم عمر شائع شدہ مصنفہ (خاتون) بن گئیں، جسے گنیز ورلڈ ریکارڈز نے تسلیم کیا۔
نرسری کی طالب علم نے 7 جنوری 2024 کو یہ ریکارڈ توڑا اور اسی مہینے کے آخر میں ایک سرکاری تقریب منعقد ہوئی۔
کہانی سنانے اور ڈرائنگ کے لیے ماہا کا شوق اسے تخلیقی سفر پر لے گیا۔ اس سفر کے دوران، اس نے خوبصورت ڈرائنگ والے بچوں کے لیے تخیلاتی کہانیاں لکھنے اور تخلیق کرنے کا طریقہ سیکھا۔
ماہا کی بڑی بہن الظہبی کے پاس اس وقت 7 سال اور 360 دن کی عمر میں دو زبانوں میں کتاب شائع کرنے کا سب سے کم عمر مصنفہ کا ریکارڈ ہے، جب کہ اس کے بھائی کے پاس 4 سال کی عمر میں سب سے کم عمر کتاب کی اشاعت کا ریکارڈ ہے۔
یہ بھی پڑھیں:ریحام خان آصف زرداری کی معترف نکلیں،کیا کہا؟سب حیران
اپنی دونوں کہانیوں میں ماہا نے ماحولیاتی اصولوں کی اہمیت بتانے کی کوشش کی ہے۔ اس کی والدہ نے کہا کہ ان کی بیٹی اپنی عمر کے نوجوانوں میں ماحولیاتی تحفظ کی اہمیت کو اجاگر کرنا چاہتی ہے۔
ماحولیات میں اپنی دلچسپی اور ماحول دوست نقطہ نظر کی وضاحت کرتے ہوئے، اس کی والدہ نے کہا، ‘جب ہم نے گزشتہ نومبر میں دبئی میں Coop 28 کا دورہ کیا تو میں نے محسوس کیا کہ ماہا کے پاس ماحول دوست کہانیوں کے لیے آئیڈیاز ، احساس اور چمک ہے۔ کانفرنس میں شرکت کے بعد، ہمیں ماحولیاتی تحفظ کی بڑھتی ہوئی اہمیت اور بچوں کو تعلیم دینے کی ضرورت کا احساس ہوا۔