والد اور بہنوں پر فائرنگ کرنے والے مفتی کفایت اللّٰہ کے بیٹے کو گرفتار کرلیا گیا 

(ویب ڈیسک ) والد اور بہنوں پر فائرنگ کرنے والے مفتی کفایت اللّٰہ کے بیٹے کو گرفتار کر لیا گیا۔

ڈپٹی کمشنر حامد الرحمان کا کہنا ہے کہ ملزم نے والد مفتی کفایت، بھائی عصمت اللّٰہ اور 2 بہنوں پر فائرنگ کی تھی، مفتی کفایت اللّٰہ کی حالت خطرے سے باہر ہے۔

فائرنگ سے زخمی مفتی کفایت کی دوسری بیٹی بھی دم توڑ گئی،جاں بحق افراد کی تعداد3 ہوگئی۔ 

خیال رہے کہ مالاکنڈ کی تحصیل بٹ خیلہ میں فائرنگ کا واقعہ جمعیت علمائے اسلام پاکستان کے ضلعی امیر مفتی کفایت اللّٰہ کے گھر میں پیش آیا تھا۔

بٹ خیلہ میں فائرنگ سے مفتی کفایت اللّٰہ کا بیٹا اور بیٹی جاں بحق ہوگئے جبکہ مفتی کفایت اللّٰہ اور ان کی اہلیہ زخمی ہوئی۔

یہ بھی پڑھیں : بیٹے کی فائرنگ، جے یو آئی رہنما مفتی کفایت اللہ شدید زخمی ،اہلیہ،  بیٹی اور بیٹا جاں بحق