اسلام آباد میں غیر ملکی مشنز کو پاک بھارت کشیدگی کے متعلق بریفنگ

(انور عباس)پاکستان کی جانب سے اسلام آباد میں غیر ملکی مشنز کو پاک بھارت کشیدگی کے متعلق بریفنگ دی گئی۔

سیکرٹری خارجہ آمنہ بلوچ نے اسلام آباد میں مقیم سفارتی مشنز کو بریفنگ موجودہ صورتحال سے آگاہ کیا۔

ترجمان دفتر خارجہ کے مطابق سیکرٹری خارجہ کی جانب سے بریفنگ پاک بھارت صورتحال کے حوالے سے دی گئی، آمنہ بلوچ نے سیز فائر عمل درآمد میں ڈپلومیٹک عملے کی کاوش کو سراہا۔

سیکرٹری خارجہ نے بتایا کہ خیر سگالی کے طور پر پاکستان اور بھارت کے مابین رینجیر اور بارڈر سیکورٹی فورس اہلکاروں کا تبادلہ کیا گیا۔

ترجمان دفتر خارجہ نے بتایا کہ ابتدائی مرحلے میں دوست ممالک کے تعمیری کردار کو سراہا گیا ہے، پاکستان کشیدگی کے بجائے امن کے لیے ڈائیلاگ کو ترجیح دیتا ہے۔

یہ بھی پڑھیں :حسن نواز کی دیوالیہ ہونے کی مدت ختم، کاروبار کے لیے دوبارہ اہل ہوگئے