سلمان خان اپنے گھر میں باقاعدگی سے میرا بیان سنتے ہیں، مولانا طارق جمیل

(ویب ڈیسک)نامور اسلامک اسکالر مولانا طارق جمیل نے دعویٰ کیا کہ سلمان خان اور کی بہنیں بھی باقاعدہ میرا بیان سنتی ہیں اور ان کے گھر میں بھی میرے بیانات باقاعدگی  سے سنےجاتے ہیں۔

مولانا طارق جمیل کا شمار نامور اسلامک اسکالرز میں ہوتا ہے، وہ بالی وڈ اسٹار عامر خان سے بھی ملاقات کرچکے ہیں۔ کہ ایک انٹرویو میں انہوں نے بالی وڈ ’مسٹر پرفیکشنسٹ‘ عامر خان سے ملاقات کا احوال بتاتے ہوئے کہا تھا کہ شروع میں انہوں نے بھارتی اداکار سے فلموں کی باتیں کیں، جس پر اداکار حیران رہ گئے۔

انہوں نے کہا کہ انہوں نے عامر خان کو پرانے بالی وڈ سے متعلق وہ باتیں بتائیں جو وہ خود بھی نہیں جانتے تھے، جس کے بعد اداکار پرسکون ہوگئے اور ان سے ملاقات کا دورانیہ بڑھا دیا۔مولانا طارق جمیل کے مطابق دورانیہ بڑھنے کے بعد انہوں نے عامر خان کو حج کرنے کا کہا اور انہیں حج کی فضیلت بتائی۔

یہ بھی پڑھیں:ویزہ،دستاویزات نہ رکھنے والے افغانیوں کو واپس بھیجیں گے:وزیراعظم

اب حال ہی میں مولانا طارق جمیل نے یوٹیوبر نادر علی کے پوڈکاسٹ میں شرکت کی جہاں انہوں نے دعویٰ کیا کہ سلمان خان اپنے گھر میں ان کا بیان سنتے ہیں۔پوڈکاسٹ کے دوران نادر علی نے سوال پوچھا کہ ’آپ نے مجھے کہا تھا کہ بالی وڈ اداکار عامر خان نے مجھے بتایا کہ سلمان خان کے گھر بھی بیان چلتے ہیں، کیا آپ کو یادہے؟‘۔جس پر مولانا طارق جمیل نے کہا کہ ’عامر خان نہیں بلکہ میرے ایک دوست ہیں جن کا کاروبار بھارت میں بھی ہے، وہ ممبئی گئے تو ان کے پارٹنر نے ان کی ملاقات سلمان خان سے کروائی۔‘

انہوں نے مزید بتایا کہ ’سلمان خان کو جب معلوم ہوا کہ میرے دوست پاکستان سے ممبئی آئے ہیں تو انہوں نے میرے دوست سے دریافت کیا کہ کیا آپ مولانا طارق جمیل کو جانتے ہیں؟ جس پر میرے دوست نے کہا کہ آپ کو ان کا کیسے پتا؟ اس پر سلمان خان میرے دوست کو اپنے گھر کے اندر لے گئے جہاں ایک دیوار کے ساتھ میرے بیان کی ڈھیروں سی ڈیز موجود تھیں‘۔

مزید پڑھیں:صدر مملکت نے الیکشن کی تاریخ دے دی، کیا اس تاریخ پر الیکشن ہوپائیں گے؟