ویزہ،دستاویزات نہ رکھنے والے افغانیوں کو واپس بھیجیں گے:وزیراعظم

(ویب ڈیسک) نگران وزیر اعظم انوار الحق کاکڑنے افغان مہاجرین کیلئے وارننگ جاری کردی،کہتے ہیں کہ جن افغان مہاجرین کے پاس ویزا یا دستاویز نہیں انہیں فوری واپس بھیجیں گے۔

ایک بیان میں نگران وزیراعظم انوار الحق کاکڑ نے کہا ہے کہ ہمیں یہ ضرورپتا ہے بلیک مارکیٹ میں جگہ جگہ یہ اسلحہ فروخت ہورہاہے، بی ایل اے، ٹی ٹی پی اورداعش تینوں کے پاس یہ اسلحہ ہے۔

انہوں نے کہا کہ نان اسٹیٹ ایکٹرز اس اسلحے کو استعمال کررہے ہیں،پنجگور اور نوشکی میں جو حملے ہوئے ان میں یہ اسلحہ استعمال ہوا۔

ضرورپڑھیں:صدرمملکت نے کس کے کہنے پر الیکشن کمیشن کو خط لکھا؟انتخابات کا اعلان کیوں نہیں کیا؟
نگران وزیر اعظم کا کہنا تھا کہ جن افغان مہاجرین کے پاس ویزا یا دستاویز نہیں انہیں فوری واپس بھیجیں گے، کچھ لوگوں نے یہاں ہماری فیملی ٹری میں گھس کر شناختی کارڈ بنائے، ایک مشق چل رہی ہے کہ ایسے لوگوں کا بھی پتا لگایا جائے۔