امریکا کا اسرائیل کوایران پرحملے کے لیے طیارے دینے سے انکار

 (مانیٹر نگ ڈیسک )امریکا نے تل ابیب کو فوجی کارگو طیاروں کی فراہمی کی تاریخ کو آگے بڑھانے کی اسرائیلی درخواست کو مسترد کر دیا ہے جو ایران میں کسی بھی اسرائیلی حملے کی کامیابی میں مددگار ثابت ہوں گے۔

یہ بھی پڑھیں:امریکا نے افغانستان کے منجمد اثاثے جلد بحال نہ کرنے کا عندیہ دے دیا

میڈیارپورٹس کے مطابق اسرائیلی وزیر دفاع بینی گانٹز کے دورہ امریکا اور اسرائیل اور امریکیوں کے درمیان مبینہ آپریشنل تعاون کے بارے میں رپورٹس کے پس منظر میں اسرائیلی فوج نے حال ہی میں امریکی فوج سے ملاقات کا وقت فراہم کرنے کے لیے کہا تھا کہ ایران کے لیے تیاری کے ضمن میں اسرائیل کو دو سے چار کارگو طیارے فراہم کیے جائیں۔انہوں نے اس بات پر زور دیا کہ امریکی ردعمل منفی تھا، وزارتی کمیٹی برائے اسلحہ سازی کے امور نے ایندھن کے ساتھ چار کارگو طیاروں کی خریداری کی منظوری دی، جن کی رینج 11 ہزار کلومیٹر سے زیادہ ہے اور سب سے اہم بات یہ ہے کہ، ہوائی جہاز 11 سے 12 گھنٹے تک خلا میں رہنے کے قابل ہیں۔عبرانی اخبار نے نشاندہی کی کہ اس قسم کا طیارہ بحیرہ روم میں، یا کسی اور جگہ ایندھن کا کارگو باکس کھول سکتا ہے اور اپنی شپنگ ٹیوب کے ذریعے درجنوں جنگی طیاروں کو سامان فراہم کرسکتا ہے۔
امریکی وزیر خارجہ اینٹنی بلینکن نے کہاہے کہ جہاں تک جوہری بات چیت کی طرف واپسی کا تعلق ہے تو اس حوالے سے ان کے ملک نے ایران کے ساتھ نمٹنے میں سفارت کاری کا راستہ اپنا رکھا ہے۔ اس لیے کہ یہ دستیاب راستوں میں سب سے بہتر ہے۔میڈیارپورٹس کے مطابق انڈونیشیا میں ایک پریس کانفرنس میں بلینکن کا کہنا تھا کہ واشنگٹن اپنے حلیفوں اور شراکت داروں کے ساتھ متبادل اختیارات پر بھی کام کر رہا ہے۔

یہ بھی پڑھیں:حجر اسود کو ورچوئل دیکھنے، محسوس کرنے اور بوسہ دینے کی سہولت کا افتتاح