اداکار عثمان خالد بٹ کے والد ڈاکٹر خالد سعید بٹ کا انتقال

(ویب ڈیسک) پاکستانی فلم، ٹیلی ویژن اور تھیٹر کے معروف اداکار، مصنف اور کوریوگرافر عثمان خالد بٹ کے والد ڈاکٹر خالد سعید بٹ انتقال کر گئے۔

سماجی رابطوں کی ویب سائٹ ٹوئٹر پر ٹوئٹ کرتے ہوئے اداکار نے بتایا ہے کہ گزشتہ رات گئے ان کے والد اس جہانِ فانی سے کوچ کر گئے، ان کے نمازِ جنازہ آج بعد نمازِ جمعہ لاہور میں ادا کی جائے گی۔

Inna lillahi wa inna ilayhi raji’un.

Our beloved father, Dr. Khalid Said Butt, passed away peacefully on the night of the 13th. As per his wishes, his Namaz-e-Janaza (funeral prayers) will be held at 2:30 pm on Friday at Khalid Masjid, Cavalry Ground Extension, Lahore. pic.twitter.com/fabOAwiteu

— Osman Khalid Butt (@aClockworkObi) April 13, 2023

عثمان خالد بٹ نے سلسلہ وار ٹوئٹ کرتے ہوئے اپنے مرحوم والد کی شعبۂ فن و ثقافت کے لیے خدمات سے سوشل میڈیا صارفین کو آگاہ کیا۔

انہوں نے لکھا کہ ان کے والد ڈاکٹر خالد سعید بٹ نے پاکستان نیشنل کونسل آف دی آرٹس (پی این سی اے) کے بانی ڈائریکٹر جنرل، سابق ڈائریکٹر جنرل لوک ورثہ، سابق ایم ڈی این اے ایف ڈی ای سی، سابق ڈی جی نیشنل ہجرہ کونسل کی حیثیت سے شعبۂ فن و ثقافت کے خدمات انجام دی ہیں۔

His accomplishments in the field of arts are manifold and his contribution to Pakistan’s arts and culture is immeasurable. In time, we will speak about these in detail.

— Osman Khalid Butt (@aClockworkObi) April 13, 2023

عثمان خالد بٹ نے بتایا ہے کہ ان کے مرحوم والد اسٹیج اور اسکرین کے ایک معزز اداکار، ہدایت کار اور مصنف بھی تھے، انہوں نے پی ٹی وی کے کئی لیجنڈری فنکاروں کو لانچ کیا۔

انہوں نے اپنے والد مرحوم کی مغفرت کی دعا کی درخواست کرتے ہوئے مزید بتایا ہے کہ ان کی بے پناہ خدمات کے نتیجے میں حکومتِ پاکستان کی جانب سے پرائیڈ آف پرفارمنس سے جبکہ حکومتِ فرانس کی طرف سے آفیسر دی لورڈری ڈیس آرٹس ایٹ ڈیس لیٹریس سمیت کئی اعزازات سے نوازا جا چکا ہے۔

many legends of Pakistan television, and the recipient of many awards, including the Pride of Performance from the Government of Pakistan and the Officer de l’Ordre des Arts et des Lettres from the Government of France.

— Osman Khalid Butt (@aClockworkObi) April 13, 2023

اداکار نے فالوورزکے ساتھ اپنے جذبات و احساسات شیئرکرتے ہوئے لکھا کہ، ’یہ ایک عظیم نقصان ہے لیکن اللہ سبحان و تعالیٰ نے صبر و تحمل کا حکم دیا ہے۔ برائے مہربانی میرے والد کی مغفرت کے لیے دعا کریں۔‘