معروف اداکارہ سارہ خان کی طبیعت ناساز، ہسپتال منتقل

(24 نیوز)شوبز انڈسٹری کی معروف اداکارہ سارہ خان کو طبیعت ناساز ہونے پر ہسپتال منتقل کردیا گیا۔

تفصیلات کے مطابق ترکی میں موجود پاکستانی اداکارہ سارہ خان کو طبیعت ناسازی کے بعد ہسپتال منتقل کردیا گیا، جس کی تصدیق ان کے شوہر فلک شبیر نے کی ہے۔فلک شبیر نے انسٹاگرام اسٹوری میں اہلیہ سارہ خان کی تصویر شیئر کی جس میں دیکھا جاسکتا ہے کہ اداکارہ ہسپتال میں موجود ہیں۔
گلوکار کی جانب سے اداکارہ کی صحت کے بارے میں مزید کچھ نہیں بتایا گیا تاہم مداحوں کی جانب سے اداکارہ کی جلد صحت یابی کے لئے دعا کی جارہی ہے۔

یاد رہے کہ فلک شبیر اور سارہ خان چھٹیاں گزارنے ترکی گئے ہوئے ہیں، دونوں کی جانب سے سماجی رابطے کی ویب سائٹ پر مختلف مقامات کی تصاویر شیئر کی گئی تھیں۔
دوسری اسٹوریز میں انہوں نے تصویر شیئر کرتے ہوئے بتایا تھا کہ وہ اپنی دوست سارہ خان کی تصویریں لے رہے ہیں اور ان کے کیمرہ مین بنے ہوئے ہیں جبکہ سارہ خان آرام سے ایک جگہ بیٹھے تصویریں بنوانے کے لئے پوز دے رہی تھیں۔
یہ بھی پڑھیں :مذہبی جماعت کے مظاہرے ختم،راستے کھلنا شروع، ٹریفک معمول پر آگئی