حمزہ علی اور احد رضا میر کو ہانیہ مرزا کیساتھ کام کرنا مہنگا پڑ گیا۔۔۔۔دلچسپ انکشافات

Oct 12, 2021 | 10:40:AM
حمزہ اور احمد کو ہانیہ کے ساتھ کام کرنا مہنگا پڑ گیا
کیپشن: ہانیہ عامر، فائل فوٹو

 (مانیٹرنگ ڈیسک)معروف اداکارہ ہانیہ عامر کے  بارے میں اداکار حمزہ علی عباسی اور احد رضا میر کی جانب سے دلچسپ انکشافات کیے گئے ہیں۔

سوشل میڈیا پر جہاں انٹرٹینمنٹ سے متعلق ڈھیر سارا مواد موجود ہوتا ہے وہیں شائقین کے لیے دلوں میں گھر کرنے والے فنکاروں سے متعلق دلچسپ حقائق بھی منظرِ عام پر رہتے ہیں جن سے متعلق ہر کوئی جاننا چاہتا ہے، ایسی ہی ایک ویڈیو سوشل میڈیا پیج کی جانب سے شیئر کی گئی ہے۔

ایک انٹرویو سے لیے گئے چھوٹے سے کلپ میں دیکھا جا سکتا ہے کہ ٹی وی و فلم کی ہر دلعزیز اداکارہ ہانیہ عامر ایک ٹاک شو میں  اپنے ساتھی اداکار احد رضا میر اور حمزہ علی عباسی کے ساتھ موجود ہیں۔

 اس دوران شو کی میزبان صنم جنگ سے مخاطب ہوتے ہوئے حمزہ علی عباسی نے کہا کہ وہ عوام کو اپنا دُکھڑا سنانا چاہتے ہیں کہ ہانیہ عامر کے ساتھ کام کرنے کے لیے انہیں بد قسمتی سے شیو کروانی پڑی تھی تا کہ وہ ہانیہ عامر کے ہم عمر دِکھ سکیں، ورنہ داڑھی ہونے کے سبب وہ ہانیہ عامر سے بڑے لگتے تھے۔

View this post on Instagram

A post shared by Fanpage✨ (@lollywoodzy)

 حمزہ علی عباسی نے مزید کہا کہ ’انہوں نے دل پر پتھر رکھ کر اپنی شیو کروائی تھی، اگر ہانیہ عامر تھوڑی سی بڑی ہوتیں تو اُنہیں شیو نہیں کرانی پڑتی ۔‘

اس دوران شو کی میزبان صنم جنگ نے احد رضا میر سے سوال کیا کہ انہوں نے بھی ہانیہ عامر کے ساتھ کام کرنے کے لیے کوئی قربانی دی تھی ؟

 جس کا جواب دیتے ہوئے احد رضا میر نے بتایا کہ ’انہوں نے ہانیہ عامر کے ساتھ کام کرنے کے لیے اپنے بال کٹوائے تھے، اُن کے بال کافی بڑے اور گُھنگریالے تھے۔‘

 یہ بھی پڑھیں:    شیخوپورہ: خاکروب کی 10سالہ طالبہ سے زیادتی