آئی ٹیونز کے پاکستانی میوزک کو ’انڈین پاپ‘ کہنے پر مہوش حیات نے آڑھے ہاتھوں لے لیا

(ویب ڈیسک) پاکستان شوبز انڈسٹری کی معروف اداکارہ مہوش حیات نے آئی ٹیونز کی جانب سے پاکستانی کوک اسٹوڈیو کو ’انڈین پاپ‘ قرار دینے پر تنقید کی ہے۔ 

آئی ٹیونز مشہور کمپنی ایپل اِنک کا ایک سافٹ ویئر پروگرام ہے جو بطور میڈیا پلیئر، میڈیا لائبریری، موبائل ڈیوائس مینجمنٹ یوٹیلیٹی اور کلائنٹ ایپ کام کرتا ہے۔

مہوش حیات نے مائیکرو بلاگنگ ویب سائٹ ٹوئٹر پر آئی ٹیونز سے کچھ اسکرین شاٹس لے کر شیئر کیے ہیں۔

Just noticed iTunes/Apple music - music portal classifies our Coke Studio Pakistan as “Indian Pop”. Other episodes are ‘Worldwide’ or ‘Asia’- anything but ‘Pakistani’. Come on @AppleMusic give us this one at least! Coke Studio is a Pakistani success & we deserve to be recognised. pic.twitter.com/Kd3yfrgXkU

— Mehwish Hayat TI (@MehwishHayat) March 10, 2023

اُنہوں نے اپنے ٹوئٹ میں لکھا ہے کہ ’میں نے ابھی نوٹس کیا ہے کہ آئی ٹیونز نے پاکستانی میوزک کو ’انڈین پاپ‘، ’ایشیاء‘ یا پھر’ورلڈ وائڈ‘ قرار دیا ہے، یعنی کچھ بھی کہہ لو لیکن پاکستانی میوزِک نہیں کہا۔

مزید پڑھیں: دنیا بھر میں آواز کا جادو جگانے والے عاطف اسلم کی 40 ویں سالگرہ 

مہوش حیات نے یہ بھی لکھا ہے کہ کوک اسٹوڈیو پاکستان کی کامیابی ہے اور ہم اس بات کے حق دار ہیں کہ ہماری کامیابی کو تسلیم کیا جائے۔

سوشل میڈیا صارفین کی جانب سے اس معاملے پر آواز اٹھانے کے لیے مہوش حیات کو سراہا جا رہا ہے۔