ارمینا خان کے شوہر بیٹی کی تصویر پوسٹ کرنے پر (ن) لیگ پر بر س پڑے

(ویب ڈیسک)پاکستانی اداکارہ ارمینا رانا خان کے شوہر فیصل رضا خان نے ٹوئٹر پر (ن) لیگ کے سوشل میڈیا اکاؤنٹ سے اپنی اہلیہ اور بیٹی کی تصویر پوسٹ کرنے پر پارٹی سے معافی کا مطالبہ کردیا۔

 تفصیلات کے مطابق سماجی رابطے کی ویب سائٹ ٹویٹر پر ارمینا کے شوہر کے علاوہ اداکار عثمان خالد بٹ اور کئی سوشل میڈیا صارفین نے بھی (ن) لیگ کے سوشل میڈیا اکاؤنٹ سے اداکارہ کی تصویر ڈیلیٹ کرنے کا مطالبہ کیا ہے،اداکارہ کے شوہر فیصل رضا نے اپنی ٹوئٹ میں کہا کہ "(ن) لیگ کی قیادت، آپ اس اکاؤنٹ کے ذمہ دار ہیں، آپ نے میری اہلیہ کو ٹرول کرنے کے لیے میری نوزائیدہ بیٹی کی تصویر پوسٹ کردی، آپ لوگوں نے شرافت کی تمام حدود پار کردی ہیں,میری بیٹی اور مجھے پاکستان کی سیاست میں کوئی دلچسپی نہیں ہے لیکن ایک باپ کی حیثیت سے میں اپنے بچے کی حفاظت کروں گا، اپنے اس عمل پر فوری طور پر معافی مانگیں".تاہم کچھ دیگر افراد نے بھی مذکورہ تصویر فوری ڈیلیٹ کرنے کا کہا ہے۔

PMLN leadership, you are responsible for this account. You have posted a photo of my infant, just to troll my wife, thus crossing all bounds of decency. My daughter & I have no interest in PK politics. But as a Father I will protect my child. Apologise immediately. https://t.co/hf499mKNgP

— Fesl Reza-Khan (@frk1) April 9, 2023

خیال رہے یہ تنازع اس وقت شروع ہوا جب پاکستان تحریک انصاف (پی ٹی آئی) کے ایک حامی کارکن شایان علی نے مسلم لیگ (ن) کی سینئر نائب صدر مریم نواز کی ایک ویڈیو پوسٹ کی جو سوشل میڈیا پر وائرل ہوگئی۔ویڈیو میں خاتون نے سیلفی بنانے کا کہتے ہوئے مریم نواز سے نامناسب گفتگو کی،جس پر اداکارہ  ارمینا خان نے ردعمل دیتے ہوئے کہا کہ "اگر یہ پاکستان میں ہوتا تو سیلفی لینے والی خاتون "غائب" ہو جاتیں، مجھے خوشی ہے کہ ہمارے برطانیہ میں ایسی آزادی ہے جہاں ہم اپنے سیاستدانوں کا محاسبہ کرتے ہیں، اگر آپ برطانوی سرزمین پر رہنے جا رہے ہیں تو یہاں ہمارے اصول ہیں، ہمارے پاس بولنے کی آزادی ہے"۔

Had this happened in Pakistan, the selfie lady would’ve ‘disappeared.’ ;) I’m glad we have such freedoms in the U.K where we hold our politicians to account. If you’re going to live on British soil then it is OUR rules. We have freedom of speech. https://t.co/juiUJx4hR7

— Armeena ✨ (@ArmeenaRK) April 9, 2023

ارمینا کی اس ٹوئٹ پر کئی صارفین نے ان پر تنقید کی اور کہا کہ "یہ آزادی اظہار نہیں بلکہ کسی کی تذلیل کرنا اور گھٹیا حرکت ہے"۔

It’s a big shame for that lady who did poor and cheap act. Also shame on you as u enjoying this

— Mian Subhan ( سرگودھا ) (@MianSubhan) April 9, 2023