شوگر ملز پنجاب حکومت کو چینی 140 روپے فی کلو فروخت کرنے پر رضامند
Stay tuned with 24 News HD Android App
(24 نیوز) شوگر ملز مالکان پنجاب کی نگراں حکومت کو 140 روپے فی کلو چینی فروخت کریں گے۔
یہ فیصلہ نگراں صوبائی حکومت اور شوگر ملز مالکان کے درمیان چینی کی قیمت پر مسلسل تین روز سے جاری مذاکرات کامیاب ہونے کے بعد کیا گیا۔
اس حوالے سے شوگر ملز مالکان کے ایک وفد نے نگران وزیراعلیٰ پنجاب سید محسن رضا نقوی سے ملاقات کی جس میں کرشنگ سیزن 28 اکتوبر سے شروع کرنے پر بھی اتفاق کیا گیا۔
اس موقع پر گفتگو کرتے ہوئے نگراں وزیراعلیٰ پنجاب محس نقوی نے کہا کہ حکومت عوام کو ریلیف دینے کیلئے سینٹرز، ماڈل بازاروں اور اتوار بازاروں میں خصوصی سٹالز پر چینی فروخت کرے گی۔
پنجاب حکومت اورشوگر ملز مالکان کے درمیان چینی کی قیمت پر مسلسل تین روز سے جاری مذاکرات کامیاب
— Government of Punjab (@GovtofPunjabPK) September 10, 2023
نگران وزیر اعلی پنجاب @MohsinnaqviC42 سے شوگر ملز مالکان کے وفد کی ملاقات
شوگر ملز مالکان پنجاب حکومت کو 140روپے فی کلو چینی فروخت کریں گے#CaretakerCMPunjab #MohsinNaqviSpeed #sugar… pic.twitter.com/We3eC4Vtor
انہوں نے کہا کہ حکومت کو عوام کی مشکلات کا پورا احساس ہے، چینی کی قیمتوں میں کمی کا فائدہ براہ راست صوبے کے عوام کو ہوگا۔
شوگر ملز مالکان نے نگراں وزیراعلیٰ کو بتایا کہ پنجاب میں چینی کا وافر سٹاک موجود ہے۔
شوگر ملز مالکان کے وفد میں ہارون اختر، ذکاء اشرف، فواد مختار اور دیگر شامل تھے۔ نگراں صوبائی وزیر صنعت ایس ایم تنویر اور چیف سیکرٹری زاہد اختر زمان بھی اس موقع پر موجود تھے۔