آسکر ایوارڈ تقریب کا انعقاد27 مارچ کو،اس میں کیا نیا ہوگا ۔؟۔ جانئے

(مانیٹرنگ ڈیسک)آسکر ایوارڈ کی تقریب27 مارچ 2022 کو ہالی ووڈ بولیوارڈ کے ڈولبی تھیٹر میں اپنی روایتی شان کے ساتھ منعقد کی جائیگی۔اس سال کی آسکر تقریب میں حاضرین کو کووڈ۔19 کے خلاف ویکسینیشن کا ثبوت فراہم کرنے کی ضرورت نہیں ہوگی۔ گزشتہ سال کی آسکر تقریب لاس اینجلس کے یونین اسٹیشن میں منعقد کی گئی تھی اور اس وقت صرف چند ہی لوگوں کو شرکت کی اجازت تھی۔

بھارتی نجی ٹی وی کی ویب رپورٹ کے مطابق ابھی تک یہ معلوم نہیں ہے کہ آیا اس سال سامعین کی تعداد کم ہو سکتی ہے یا نہیں؟۔ گزشتہ سال کی تقریب میں کرونا ایس او پیز کے مطابق ذاتی طور پر حاضرین کے لئے سخت کووڈ۔19 ٹیسٹنگ اور ماسکنگ کی پالیسیاں شامل تھیں۔ اس سال کے بعد سے وائرس کے خلاف ویکسین عام لوگوں کیلئے وسیع پیمانے پر دستیاب ہو گئی ہیں۔اگرچہ اکیڈمی حاضرین کو ویکسین لگوانے کا مشورہ دے رہی ہےلیکن 2022 آسکر تقریب میں شرکت کرنے سے پہلے شرکا کو ٹیسٹ کرانا بھی ضروری ہو گا۔ اس اصول کے تحت اکیڈمی تکنیکی طور پر لاس اینجلس کاؤنٹی کی انڈور میگا ایونٹس کی پالیسی کی تعمیل کر رہی ہے، جس میں 2 سال اور اس سے زیادہ عمر کے تمام شرکا کے لئے ویکسینیشن کی مکمل حیثیت یا منفی کورونا -19 ٹیسٹ کی ضرورت ہوگی۔

#StevenSpielberg in the #Oscar nominations (Best Director) for 6 decades straight.

1970’s
Close Encounters of 3rd Kind

1980’s
Raiders of the Lost Ark
E.T

1990’s
Schindler’s List
Saving Private Ryan

2006
Munich

2013
Lincoln

2022
The West Side Story pic.twitter.com/kgxlxhswBj

— LetsOTT GLOBAL (@LetsOTT) February 8, 2022

رواں سال پہلی بار دو حقیقی زندگی کے شوبز جوڑے اداکاری کے چار زمروں میں آسکر کے لئے نامزد ہوئے ہیں۔ 94ویں آسکر ایوارڈز کے لئے نامزدگیوں کا اعلان منگل کو کیا گیا۔ پینیلوپ کروز اور شوہر جیویر بارڈیم بالترتیب بہترین اداکارہ اور بہترین اداکار کے لئے ہیں۔ کرسٹن ڈنسٹ کو بہترین معاون اداکارہ آسکر اور ان کی ساتھی جیسی پلیمنز کو بہترین معاون اداکار کے لئے نامزد کیا گیا ہے۔ جوڑے پچھلے آسکرز میں ایک ساتھ نامزدگی حاصل کر چکے ہیں، یہاں تک کہ جیت بھی گئے ہیں۔تاہم یہ پہلی بار ہے کہ دو جوڑوں کو نامزد کیا گیا ہے اور اداکاری کے چاروں زمروں کا احاطہ کیا گیا ہے۔ وہ اداکاری کے لئے بہترین اداکار کی دوڑ میں ہیں۔فلم’ دی پاور آف دی ڈاگ‘ اس سال آسکر کی نامزدگیوں میں سب سے آگے ہے جس میں بہترین فلم، بہترین ہدایت کار، بینیڈکٹ کمبر بیچ کے لئے بہترین اداکار اور کوڈی سمٹ میکفی کے لئے بہترین معاون اداکار شامل ہیں۔
یہ بھی پڑھیں: ملک سے باہر جانیوالوں کیلئے کورونا کی تیسری خوراک لگوانے کی پابندی نافذ