شوہرعابدعلی کے انتقال کے بعد ذہنی تناؤ سے گزری: رابعہ نورین
ذہنی صحت کے بارے میں اس وقت تک معلوم نہیں ہوا جب تک خود اس سے نہیں گزری
Stay tuned with 24 News HD Android App
(ویب ڈیسک)سینئر اداکارہ رابعہ نورین نے انکشاف کیاہے کہ وہ شوہر اداکار عابد علی کے انتقال کے بعد ذہنی تناؤ کا شکار ہوگئی تھیں۔
رابعہ نورین ایک شادی کی تقریب میں موجود تھیں جہاں ان سے ذہنی تناؤ سے متعلق سوال کیاگیاتوسینئر اداکارہ نے کہا کہ مجھے لفظ مینٹل ہیلتھ کے بارے میں اس وقت تک معلوم نہیں ہوا جب تک میں خود اس سے نہیں گزری۔
رابعہ نورین نے کہا کہ شوہر عابد علی کے انتقال کے بعد میں نے ایک بہت مشکل فیز گزارا، عام لفظوں میں اس کیفیت کو ڈپریشن کہتے ہیں جس کا مطلب ہے جب آپ زندگی میں دلچسپی کھو دیں، تیار ہونا، کھانا کھانا، لوگوں سے ملنا، بات کرنا اور ہنسنا بولنا اچھا نہیں لگتا۔
رابعہ نورین نے مزید کہا کہ اس صورتحال سے باہر نکلنے میں میرے بہن بھائیوں نے مدد کی، میرا بھائی ہومیوپیتھک ڈاکٹر ہے جس نے میرا علاج کیا لیکن وہ اہم شخص جو اس ڈپریشن سے آپ کو باہر نکال سکتا ہے وہ آپ خود ہیں، آپ کو خود محنت کرنی پڑے گی۔
یہ بھی پڑھیں: ہانیہ عامر کا دوست کی شادی میں ڈانس، ویڈیو وائرل
رابعہ نورین نے کہاکہ اپنے ارد گرد آپ بہت سی باتیں سنیں گے، جب تک آپ اٹھ کر کھڑے ہونا نہیں چاہیں گے آپ ٹھیک نہیں ہوسکتے، اگر آپ کی ذہنی صحت ٹھیک نہیں تو جسمانی صحت کے درست ہونے کا سوال ہی پیدا نہیں ہوتا، جسمانی صحت ذہنی صحت سے جڑی ہے، میں سب سے گزارش کرتی ہوں جب بھی آپ اپنے مزاج میں تلخی محسوس کریں تو کسی سے بات کریں اور اس سے باہر آنے کی کوشش کریں۔