ایران میں پھنسے پاکستانی شہریوں سے سفارتخانے میں اپنی رجسٹریشن یقینی بنانے کی اپیل

(  انور عباس)ایران میں پاکستان کے سفیر نے ایران میں پھنسے پاکستانی شہریوں سے سفارتخانے میں اپنی رجسٹریشن یقینی بنانے کی اپیل کی ہے۔

ایران میں بسوں کی دستیابی میں جاری مشکلات اور دیگر چیلنجز کے پیش نظر پاکستان کے سفیر مدثر ٹیپو نے اپنے ٹویٹ میں پاکستانی شہریوں سے اپیل کی کہ وہ فوری طور پر سفارت خانے میں رجسٹریشن کرائیں تاکہ ان کی وطن واپسی کے منصوبے میں کسی تاخیر سے بچا جا سکے۔

سفیر نے خاص طور پر قم میں مقیم پاکستانی شہریوں سے درخواست کی ہے کہ وہ فوری وطن واپسی کے لیے تعاون کریں، انہوں نے کہا کہ رجسٹریشن کے بعد سفارت خانہ شہریوں کی روانگی کے انتظامات کو بلا تاخیر مکمل کرے گا۔

 یہ بھی پڑھیں:امریکا کا اپنے شہریوں کو سعودی عرب چھوڑنے کا حکم

 دوسری طرف سعودی عرب میں تعینات پاکستان کے سفیر احمد فاروق نے اوورسیز پاکستانیوں سے کہا ہے کہ موجودہ علاقائی کشیدگی کے دوران صبر، نظم و ضبط اور ذمہ داری کا مظاہرہ کریں۔

It is getting very hard to find the buses due to ongoing challenges here- apart from a range of other considerations. Therefore those of our nationals who wish to go to Pakistan , with our cooperation , are requested to kindly register with the Embassy immediately so that we can…

— Ambassador Mudassir (@AmbMudassir) March 8, 2026

انہوں نے کمیونٹی کو خبردار کیا کہ سوشل میڈیا پر گردش کرنے والی افواہوں پر یقین نہ کریں اور صرف مستند ذرائع سے معلومات حاصل کریں۔