اکبر بگٹی کی بیوہ نے وزیراعظم کے بھانجے حسان نیازی کیخلاف مقدمہ درج کروا دیا

(24 نیوز) وزیراعظم عمران خان کے بھانجے ایڈووکیٹ حسان نیازی سمیت پانچ وکلا کے خلاف اقدام قتل سمیت دیگر دفعات کے تحت تھانہ اسلامپورہ میں مقدمہ درج کرلیا گیا۔

 تفصیلات کے مطابق سابق گورنر بلوچستان نواب اکبر بگٹی کی بیوہ شہزادی نرگس کی مدعیت میں مقدمہ درج کیا گیا ہے، مدعیہ نے الزام لگایا ہے کہ وہ اپنے خلاف ایف آئی اے میں درج ایک مقدمہ نمبر 104/21 میں عبوری ضمانت کروانے سیشن کورٹ پہنچی تھی۔
 مدعیہ کے ساتھ اس کا وکیل ایاز بٹ ایڈووکیٹ بھی تھا۔ اس دوران حسان نیازی نے سابقہ شوہراور میرے خلاف غلیظ زبان استعال کی۔ 
ایف آئی آر میں مدعیہ نے یہ بھی الزام لگایا کہ اسے احاطہ عدالت میں تشدد کا نشانہ بنایا گیا، اسلام پورہ پولیس نے مقدمہ نمبر 1415/21 درج کرلیا ہے۔
 مقدمہ میں اقدام قتل، خواتین کے کپڑے پھارنے اور دھمکانے کی دفعات لگائی گئی ہیں۔
یہ بھی پڑھیں:اسلام آباد تشدد کیس میں اہم پیش رفت۔ متاثرہ جوڑے نے شادی کرلی