ہاؤس آف شریف کرپشن بچانے کیلئے جنگ کررہا ہے، فردوس عاشق

(24نیوز) وزیراعلیٰ پنجاب کی معاون خصوصی فردوس عاشق اعوان نے کہا کہ ہاؤس آف شریف کرپشن کی کمائی بچانے کےلئے جنگ کررہا ہے۔

تفصیلات کے مطابق وزیر اعلیٰ پنجاب کی معاون خصوصی برائے اطلاعات فردوس عاشق نے سماجی رابطے کی ویب سائٹ ٹوئٹر پر پی ڈی ایم اور ن لیگ پر تنقید کرتے ہوئے کہا کہ ’’نہ نو من تیل ہوگا نہ رادھا ناچے گی‘‘۔ان کا کہنا تھا کہ مسلم لیگ نواز استعفوں کی دھمکی پولیٹیکل اسٹنٹ ہے، اصل میں ہاؤس آف شریف اپنی کرپشن  چھپانا چاہتا ہے۔

*نہ نو مَن تیل ہوگا نہ رادھا ناچے گی*

ن لیگ کی استعفوں کی دھمکی پولیٹیکل سٹنٹ اور ہاؤس آف شریف کی کرپشن کی کمائی بچانے کی جنگ ہے! اپنا مال پانی بچانے کیلئے PDM کا REJECTED ٹولہ ممبران اسمبلی کو ڈھال بناکر استعمال کرنے کی کوشش کررہا ہے جس میں ناکامی و نامرادی اِنکا مقدر ہوگی!

— Dr. Firdous Ashiq Awan (@Dr_FirdousPTI) December 9, 2020

معاون خصوصی برائے اطلاعات نے کہا کہ پاکستان ڈیموکریٹک موؤمنٹ کا مسترد کیا ہوا ٹولہ اراکان اسمبلی کو ڈھال بنانے کی کوشش کررہا ہے لیکن ناکامی و نامرادی پی ڈی ایم ٹولے کا مقدر ہوگئی۔